Молаш пасля 3:0 над «Нафтанам»: «Хто не рызыкуе, той не п'е шампанскае»
Галоўны трэнер «Тарпеда-БелАЗ» Дзмітрый Молаш пракаментаваў матч 8-га тура ЧБ з «Нафтанам» (3:0).
– Ці не закралася па ходзе першага тайма думка, што вы зрабілі занадта шмат замен у параўнанні з кубкавым матчам супраць «МЛ Віцебск»?
– Адкажу так. Трэнер заўсёды павінен рызыкаваць. Калі не будзеш рызыкаваць, то ты будзеш як усе – сярэднім.
У дадатак у камандзе не павінен быць застой. Людзі павінны бачыць, што мы на кожнага разлічваем, верым.
Таму даем магчымасць усім праявіць сябе. А з іншага боку, разумеем, што калі шмат замен, то разбураюцца сувязі. І зладжанай, суцэльнай гульні вы не ўбачыце.
Але мы вымушаны рызыкаваць. Хто не рызыкуе, той не п'е шампанскае. І сёння гэтая прымаўка спрацавала.
– Тры забітых мяча. Прарыў?
– Ну, такое слова – прарыў. Наша справа простая – выходзіць і выйграваць. Можна 5:4 перамагчы, а можна і 1:0. У любым выпадку мы павінны выхоўваць дух пераможцаў, – сказаў Молаш.
