«Марсель» можа падпісаць Санэ вольным агентам (L'Équipe)

Вінгер «Баварыі» Лерой Санэ можа перайсці ў «Марсель», піша L'Équipe.

Кантракт 29-гадовага немца разлічаны да 30 чэрвеня 2025-га і перамовы па яго падаўжэнні ўскладніліся. Лерой гатовы пайсці на памяншэнне заработнай платы, але не настолькі кардынальнае, як прапануе «Баварыя».

Прадстаўнікі «Марселя» ўжо звязаліся з бокам Санэ наконт магчымага пераходу летам 2025-га. Таксама раней была інфармацыя, што каманда Раберта Дэ Дзербі рыхтуе маштабную трансферную кампанію па вяртанні ў Лігу чэмпіёнаў, таму фінансавыя патрабаванні гульца не стануць праблемай.

У гэтым сезоне Сане забіў 13 мячоў і аддаў 6 асістаў у 44 матчах на клубным узроўні. Падрабязная статыстыка тут.