Генадзь Туміловіч: «У пляжным футболе людзі, як сабакі, ірвуць толькі наперад. А ў вялікім выходзяць на поле, каб не абасрацца, і ў выніку ўсё адно абсіраюцца»

Генадзь Туміловіч падзяліўся сваім варыянтам тлумачэння розніцы ў дасягненнях беларусаў у пляжным і вялікім футболе.

– Ёсць тлумачэнне, чаму ў вялікім футболе ў беларусаў нічога не атрымліваецца, а ў пляжным удаецца дасягаць такіх поспехаў?

– Самае галоўнае адрозненне ад пляжнага футбола ў Беларусі ад вялікага ў тым, што ў пляжным людзі ўпэўненыя ў тым, што робяць, куды ідуць і чаго жадаюць. Яны, як сабакі, ірвуць толькі наперад, без ценю сумневу. Уся гэтая ўпэўненасць зыходзіць ад галоўнага трэнера, але і самі спартсмены заўсёды ўпэўнены ў сабе. Як да чэмпіянату свету, так і падчас турніру. А што ў вялікім футболе? Людзі выходзяць на поле, каб не абасрацца, і ў выніку ўсё адно абсіраюцца, – сказаў Туміловіч.