Галоўны трэнер «Манчэстэр Юнайтэд» Рубен Амарым аплаціў квіткі 30 супрацоўнікам каманды і іх блізкім на фінал Лігі Еўропы супраць «Тотэнхэма», які 21 траўня пройдзе на стадыёне «Сан-Мамес» у Більбаа (Іспанія), паведамляе ESPN.

Гэта адбылося пасля таго, як клуб паведаміў 40-гадоваму партугальцу, што з-за скарачэння выдаткаў яго фізіятэрапеўты, чальцы іх сем'яў і каманда падтрымкі павінны будуць самі аплаціць квіткі.

У «Юнайтэд» было прынятае такое рашэнне, каб забяспечыць заўзятарам магчымасць набыць як мага больш квіткоў з 15 000, вылучаных клубам на гульню.

Персаналу «МЮ» было выдзелена ўсяго два квіткі, тады як членам іх сем'яў і сябрам не будуць кампенсаваны дарожныя выдаткі.

Амарым аплаціў квіткі сваёй камандзе падтрымкі, уключаючы нізкааплатных супрацоўнікаў, у знак узнагароды і прызнанні іх унёску і адданасці на працягу складаных шасці месяцаў у клубе.

Калі Амарыму выразна далі зразумець, што клуб не будзе аплачваць квіткі для персанала і іх блізкіх, ён сказаў кіраўніцтву «МЮ», што прафінансуе выдаткі, каб кожны чалец клуба мог узяць з сабой двух сяброў або чальцоў сям'і.

Аўтар: Віктар Нікольскі

Крыніца: espn.co.uk