Расійскі журналіст Андронаў: «Калі «Пары НН» вылеціць, мне складана будзе ўявіць, што Ганчарэнка знойдзе потым працу ў Расіі»
Расійскі журналіст Аляксей Андронаў у інтэрв'ю «Трыбуне» распавёў пра перспектывы Віктара Ганчарэнкі знайсці працу ў Расіі.
– Лічыце, пры пэўных абставінах Ганчарэнка мог прывесці ЦСКА да чэмпіёнства?
– Безумоўна, але не атрымалася. У тым ліку з-за недастаткова якаснага падбору выканаўцаў. Мабыць, адзіны гулец з вялікай сапраўднай перспектывай – Аляксандр Галавін – хутка з'ехаў. На замену сталі прыходзіць людзі, якія не былі гатовыя да выканання вялікіх задач. А Ганчарэнка для дасягнення выніку патрэбныя гатовыя футбалісты. Вядома, ён умее працаваць з моладдзю, але той жа Іван Аблякоў быў зусім сыры. Цяпер мы ўжо бачым зусім іншага Аблякова, але тады ён быў яшчэ не гатовы.
– Дык якім статусам вы надзеліце трэнера на сёння?
– Серадняк. Але калі «Пары НН» вылеціць з РПЛ, думаю, і гэты статус анулюецца. Мне складана будзе ўявіць, што Ганчарэнка знойдзе потым працу ў Расіі. Думаю, далей будзе Казахстан ці нешта ў гэтым родзе. ФНЛ? Гэта вельмі цяжкі турнір, і туды няпроста залезці, тым больш замежніку. Плюс, калі казаць пра Першую лігу, то я бачу Ганчарэнку толькі ў камандзе з вялікімі задачамі і перспектывамі, а не ў нейкім каламутным праекце. Да першай катэгорыі каманд належыць «Балтыка», але яе забраў Андрэй Талалаеў і цяпер, зразумела, выведзе ў РПЛ. Увогуле, проста так кудысьці зрывацца ў ФНЛ – не вельмі добры варыянт, там можна альбо завязнуць, альбо, набіўшы кучу гузоў, пагоршыць сваю рэпутацыю. Гэта значна больш каламутны турнір, чым прэм'ер-ліга.
– Ад выніку з «Пары НН» залежаць у цэлым перспектывы Ганчарэнкі ў расійскім футболе?
– Адназначна. А так, лічу, гэты спецыяліст здольны трэніраваць любую каманду ў РПЛ. Хіба што «Зеніт» я б выключыў, плюс канкрэтна для Ганчарэнкі ў «Спартак» закрытая дарога, хоць там ён мог бы навесці пэўны парадак. Аднак людзі, якія папрацавалі і ў ЦСКА, і ў «Спартаку», – вялікая рэдкасць. «Краснадар» быў, і было гэта не вельмі добра. «Дынама», мне здаецца, малаверагодна. У «Рубіна» ёсць трэнер, ды і гэта вельмі спецыфічны рэгіён. «Ахмат», ці што, пакліча? Не, вядома, – сказаў Андронаў.
