Трэнер «Балонні» Італьяна: «Не думаў, што зноў вярнуся ў фінал, каб узяць рэванш, але мне гэта ўдалося»
Галоўны трэнер «Балонні» Вінчэнца Італьяна пракаментаваў перамогу каманды ў фінале Кубка Італіі ў матчы з «Міланам» (1:0).
– Пасля некалькіх расчараванняў я, думаю, што мы заслужылі гэта. Асабліва таму, што мы паказалі цудоўную гульню. Гэта было неверагоднае выступленне, мы зноў ведалі, што «Мілан» зробіць у другім тайме, таму адказалі адпаведным чынам.
– Гэты кубак мае прысмак рэваншу?
– Гэта былі тры цяжкія расчараванні, я не думаў, што зноў вярнуся ў фінал, каб узяць рэванш, але мне гэта ўдалося. Прысвячаю гэты трафей гэтым хлопцам, а таксама ўсёй сям'і Джо Баронэ (былы гендырэктар «Фіярэнціны», які памёр у сакавіку 2024 года – заўв.), бо мы былі блізкія да таго, каб падняць яго і з імі.
– Ці стала «Балоння» лепшай, чым у мінулым годзе?
– Мы прайшлі шлях росту, спачатку былі пэўныя цяжкасці, але затым адбылася вялікая эвалюцыя ўсёй каманды. Гэта было грандыёзнае выступленне, я сапраўды шчаслівы, – сказаў Італьяна для Mediaset.
47-гадовы італьянскі трэнер узначаліў «Балонню» летам мінулага года.
Да гэтага ён трэніраваў «Фіярэнціну» ў 2021-24 гадах. З «фіялкамі» ён двойчы выходзіў у фінал Лігі канферэнцый і адзін раз гуляў у фінале Кубка Італіі, але ні разу не перамагаў у гэтых матчах.
«Балоння» ўпершыню за 51 год выйграла Кубак Італіі.
