РПЛ: «Лакаматыў» падзяліў балы з ЦСКА Шуманскага
З 17 па 19 траўня прайшлі матчы каманд з беларускімі легіянерамі ў 29-м туры чэмпіянату Расіі.
17 траўня
«Арэнбург» Цімафея Мартынава саступіў «Краснадару» (1:2). Мартынаў на гульню заяўлены не быў.
«Хімкі» Кірыла Капленкі абыгралі «Рубін» (3:2). Капленка правёў увесь матч на лаве запасных.
«Факел» Антона Кавалёва на выездзе згуляў унічыю з «Ніжнім Ноўгарадам» Віктара Ганчарэнкі (1:1). Кавалёў правёў увесь матч на лаве запасных.
18 траўня
«Крылы Саветаў» Кірыла Пячэніна саступілі «Спартаку» (0:2). Беларус правёў на полі ўвесь матч і выніковымі дзеяннямі не адзначыўся.
«Ахмат» падзяліў балы з «Дынама» Махачкалой Кірыла Зіновіча (1:1). Беларус выйшаў на поле на 90+3-й хвіліне і выніковымі дзеяннямі не адзначыўся.
Маскоўскае «Дынама» Андрэя Кудраўца перамагло «Акрон» (2:1). Беларус не патрапіў у заяўку.
19 траўня
«Лакаматыў» падзяліў балы з ЦСКА Арцёма Шуманскага (2:2). Беларус застаўся на лаўцы запасных.
