– Поўнае спусташэнне. Зараджаныя былі толькі на перамогу, ехалі сюды за ёй. Што тычыцца велізарнай колькасці нерэалізаваных момантаў – складана скарэліраваць гэта з фартам або нефартам. Напэўна, дзесьці майстэрства нам яшчэ пакуль трэба назапашваць. Як толькі рэалізацыя вырасце, мы такія каманды будзем абгульваць з буйным лікам.

Нажаль, што тычыцца арганізацыі гульні, поле агіднае. Судзейства – усе ўсе бачылі, нават няма слоў. Але мы, у прынцыпе, рыхтаваліся да гэтага. Хоць гэтая нервовасць ад суддзяў перадалася гульцам і вядома ж, адбілася на нашых дзеяннях, на інертнасці і нейкай псіхаванасці.

У чым справа? У ходзе гульні пайшлі свісткі, паўзы. Усё па класіцы, скажам так. Калі каманда дамінуе, трэба «прыбіць» яе, дзесьці не паставіць фол, пенальці. Замест пенальці – жоўтая картка. Гэта ўсё нервуе, футбалісты пачынаюць адцягвацца ад гульні.

У распранальні я выказаў словы падзякі камандзе. У плане стаўлення да гульні і матывацыі ўсё было выдатна. Але такі казус у канцоўцы... Што зрабіць, такое здараецца, – сказаў Яўсеенка.

Аўтар: Юрый Дыбоўскі

Крыніца: АБФФ

Футбол