«У мяне яшчэ ёсць кантракт з «Хайдуком» на адзін год, але я працую са сваім адвакатам, каб гэты матч супраць «Рыекі» (18 траўня – заўв.) стаў для мяне апошнім. Справа не ў грошах, я не хачу выходнай дапамогі. Я не такі чалавек. Я не заслугоўваю грошы за тое, чаго не рабіў, толькі за тое, што зрабіў.

Мне спатрэбілася б дзве гадзіны, каб усё растлумачыць. Гэта вялікі клуб у маленькім горадзе, і гэта няпроста. Цяжка, калі ўсё так. Запал заўзятараў кранула мяне. «Хайдук» – гэта стыль жыцця, бацькі прыводзяць дзяцей на стадыён з двух гадоў, яны заўзеюць з самага ранняга ўзросту. Я ганаруся тым, што з'яўляюся трэнерам гэтага клуба.

«Хайдук» – вялікі клуб з вялікай гісторыяй. Ён даўно нічога не выйграваў, але ён гэта заслугоўвае. Клубу цяжка функцыянаваць у такіх умовах. Год за годам адны і тыя ж праблемы. Складана казаць пра прагрэс, калі відавочна, што клуб не можа працаваць так, як мусіць. Неабходны іншы стыль кіравання. Я ўжо некалькі месяцаў не сустракаўся з людзьмі, якія кіруюць клубам. Гэта ненармальна. Мне важна мець магчымасць паразмаўляць, калі ўзнікаюць праблемы. Тут такой магчымасці ў мяне не было.

Я не хачу ўдавацца ў дэталі, але мяне непакоіць кіраўніцтва клубу. Я не бачыў ніводнага клуба ў Еўропе, якім кіравалі б так, як гэтым. Магчыма, у свеце ўвогуле мала клубаў з такім кіраваннем. Цяжка функцыянаваць, нават ведаючы, што ў цябе няма грошай і складана набыць гульца.

Я расчараваны гэтай складанай паўсядзённасцю, спрачацца не стану. Я зрабіў усё, што мог, гульцы падалі мне свае сэрцы, я выклаўся цалкам.

У студзені мне прапанавалі сысці. Я не разглядаў гэтыя прапановы, але цяжка працаваць, калі разумееш, што нічога не можаш зрабіць, каб рухацца наперад», – сказаў Гатуза.

Джэнара ўзначаліў клуб летам 2024 года. Ягоны кантракт дзейнічае да 30 чэрвеня 2026 года.

Цяпер «Хайдук» займае 3-е месца за два туры да заканчэння чэмпіянату Харватыі.

Аўтар: cымон pушынскі

Крыніца: SK