«Напалі» не здолеў адолець «Парму» ў перадапошнім туры Серыі А, завяршыўшы матч з нулявой нічыёй. Аднак дзякуючы асечцы «Інтэра», які таксама не змог выйграць у «Лацыа» (2:2), неапалітанцы захоўваюць лідарства і шанец на чэмпіёнства. Пасля гульні галоўны трэнер «Напалі» Антоніа Контэ падзяліўся сваімі эмоцыямі ў інтэрв'ю DAZN.

«Мы блізкія да Скудэта, але застаўся апошні крок – і мы павінны зрабіць яго дома перад нашымі заўзятарамі. Гэта быў звышскладаны сезон.

На шчасце, сезон падыходзіць да канца – мы губляем гульцоў адзін за адным. Але каманда змагаецца да апошняга. Я сапраўды спадзяюся, што хлопцы атрымаюць гэта Скудэта.

Гэты год быў поўны самааддачы. Я вычарпаны, ледзь дацягваю да канца сезона. Неапаль – цудоўны горад з гарачымі фанатамі, але тут заўсёды чакаюць большага, чым рэальна магчыма.

Я давяраю свайму штабу, гульцам і публіцы на стадыёне Марадоны. Мяне моцна расчаравалі паводзіны некаторых гульцоў на полі, але мы павінны захоўваць фокус», – сказаў Контэ.

Аўтар: Dzmitry Antonau

Крыніца: Сайт Ды Марцыа