Раналда – пра Анчалоці: «Цяпер у Бразіліі шмат праблем, але зараз у нас ёсць выдатны трэнер»

Бразільскі экс-форвард Раналда выказаў надзею на тое, што Карла Анчалоці, які з наступнага месяца ўзначаліць зборную Бразіліі, зможа выправіць сітуацыю ў камандзе.

«Гэта выдатна, ён – неверагодны трэнер. Цяпер у Бразіліі шмат праблем, але зараз у нас ёсць выдатны трэнер.

Бразілія даўно не выйгравала чэмпіянат свету. Гэта не проста, бо цяпер мы не гуляем так добра. Анчалоці – вялікі трэнер і, магчыма, менавіта ён зможа гэта змяніць», – лічыць бразілец.