Пацвердзіўся вылет «Пушчы» Баркоўскага з Д1 Польшчы – канкурэнт, які меў праблемы з ліцэнзіяй лігі, атрымаў допуск
Гданьская «Лехiя», якая раней выратавалася ад вылету з Д1 Польшчы па спартыўным прынцыпе, атрымала ліцэнзію для ўдзелу ў Экстракласе ў сезоне-2025/26.
Камітэт па ліцэнзаванні польскага саюза футбола адмовіў клубу ў допуску, аднак апеляцыйны камітэт прыняў іншае рашэнне – «Лехія» зможа згуляць у наступным розыгрышы польскага Д1. Пры гэтым клуб будзе падвержаны пашыранаму фінансаваму нагляду, пачне са штрафам у 5 ачкоў і ўжо атрымаў забарону на трансферы – зрэшты, асобныя пераходы могуць быць узгодненыя дадаткова, калі клуб пакажа, што закрывае даўгі перад супрацоўнікамі.
Такім чынам, «Пушча», дзе гуляе беларускі форвард Герман Баркоўскі, канчаткова страціла шанцы на захаванне месца ў Д1. Раней каманда вылецела па спартыўным прынцыпе, аднак у выпадку выключэння «Лехіі» тэарэтычна магла застацца ў лізе. Цяпер такі варыянт немагчымы.
22-гадовы Баркоўскі правёў за «Пушчу» 15 матчаў ва ўсіх турнірах, адзначыўшыся чатырма галамі і трыма галявымі перадачамі. Падрабязная статыстыка гульца па спасылцы.
