Ва ўзросце 31 года памёр экс-аднаклубнік Філіпенкі – Кінда

Пайшоў з жыцця паўабаронца «Макабі» Хайфа Гадзі Кінда, паведамляе Instagram клуба.

Футбалісту быў 31 год. Дакладная прычына смерці невядомая. Клуб раней паведамляў, што гулец у апошнія тыдні перажываў «складаныя медыцынскія праблемы».

У сезоне 2017/18 Кінда гуляў разам з Ягорам Філіпенкам у «Ашдодзе», дзе беларус знаходзіўся на правах арэнды. Таксама Кінда выступаў за «Бэйтар» і «Канзас Сіці».

Гадзі быў гульцом зборнай Ізраіля, за якую ён згуляў 10 матчаў і набраў 2+1. Сваю адзіную галявую перадачу ён аддаў у таварыскім матчы супраць зборнай Беларусі ў чэрвені мінулага года (4:0). Гэта была апошняя гульня паўабаронцы і яго апошняе галявое дзеянне за нацыянальную зборную.

Кар'ера гульца тут.