Крывушэнка пра паразу ад «Нёмана»: «На жаль, камедыя памылак «Нафтана» працягваецца»
Галоўны трэнер «Нафтана» Ігар Крывушэнка пракаментаваў паразу ад «Нёмана» (1:3).
– На жаль, наша камедыя памылак працягваецца. Зноў не ведаеш, ад каго яе чакаць. У канцы гульні яна здарыцца або ў пачатку ... вядома, тры мячы ў «Нёмана» адыграць цяжка. Аднак наша каманда старалася, спрабавала, тут нічога сказаць не магу. Натуральна, у нас цяжкі графік: тры матчы за восем дзён. Да таго ж быў пераезд у Гомель. Гэта для нас даволі цяжка, таму што ў нас няма такой колькасці гульцоў для ратацыі, як у «Тарпеда-БелАЗ» і «Нёмана». Што зрабіць…
Думаю, калісьці мы вычарпаем ліміт гэтых памылак. Трэба вызначыцца з надзейнасцю кожнага з футбалістаў і тымі хлопцамі, хто сапраўды дапаможа – выходзячы ў стартавым складзе і на замену. Хачу, каб хлопцы не вешалі галаву.
Дзякуй заўзятарам, яны прыходзяць на ўсе нашы матчы, падтрымліваюць. Пакуль мы іх не радуем. Аднак калісьці гэта ўсё скончыцца, і, спадзяюся, перамога будзе і ў нас, – сказаў Крывушэнка.
