Абаронца «Славіі» Лукашоў: «Самым складаным было ўскрыць абарону «Тарпеда-БелАЗ»

Абаронца мазырскай «Славіі» Антон Лукашоў пракаментаваў перамогу над «Тарпеда-БелАЗ» у матчы 10-га тура вышэйшай лігі.

– Складаная гульня, моцны супернік. Было цяжка, бо праводзілі трэцюю гульню за восем дзён. Але вытрымалі, дзесьці давялося пацярпець. Галоўнае, што дамагліся заслужанай перамогі і гэта радуе.

– Які момант быў самым цяжкім у матчы?

– Мы выдатна разумелі, хто нам супрацьстаіць. У суперніка добрая і шчыльная лінія абароны. Таму самым складаным было ўскрыць іх ахоўную лінію. Рады, што нам гэта ўдалося, і мы забілі адзін гол. Пры гэтым свае вароты захавалі ў недатыкальнасці.

– У чым галоўны сакрэт перамогі над «Тарпеда»?

– Сакрэтаў асаблівых няма. Тут атрымалася сукупнасць фактараў. Гэта фізічныя і валявыя якасці, самааддача, велізарнае жаданне перамагчы і парадаваць заўзятараў. Усяго гэтага сёння было з лішкам у кожнага гульца «Славіі». Мы былі адзіным, дружным калектывам, які дамогся станоўчага выніку і працягвае рухацца далей, – сказаў Лукашоў.