Зноў захапляемся Мбапэ – цяпер ён найлепшы бамбардзір у гісторыі ПСЖ. І гэта ў 24 гады!
Яшчэ адно ўнікальнае дасягненне француза.
Даволі цікавым выдаўся суботні матч паміж ПСЖ і «Нантам» — на 17-й хвіліне гаспадары вялі 2:0, але госці нечакана зраўнялі лік перад свістком на перапынак. У другім тайме Данілу Перэйра зноў вывеў парыжан наперад, але званне героя вечара ў яго адабраў Кіліян Мбапэ, зрабіўшы лік 4:2 на другой кампенсаванай хвіліне.
Здавалася б, нічога асаблівага - чаму Кіліян герой? Але гэты гол стаў гістарычным — цяпер 24-гадовы француз з'яўляецца найлепшым бамбардзірам у 53-гадовай гісторыі ПСЖ. Сімвалічна, што Кіліян зрабіў гэта з капітанскай павязкай на руцэ.
Мбаппе посмотрел на игру гандболиста из Беларуси – команда того уступила «ПСЖ», хоть и вела «+9»
«У апошнія пяць хвілін, я не хацеў ціснуць на сябе. Я ведаў, што магу пабіць рэкорд, але не хацеў напружвацца. І тое, што ў выніку ўдалося забіць, – цудоўна.
Гуляць за ПСЖ – гэта прывілей. Я дадаў як футбаліст. Я прыкметна змяніўся. Гуляць за гэты клуб - гэта нешта асаблівае. Калі б мне сказалі, што я заб'ю рэкордны гол з капітанскай павязкай, я б не паверыў.
Гэта індывідуальнае дасягненне, але я тут для каманды. Я дзякую ўсім партнёрам, трэнерам, кіраўніцтву, заўзятарам, якія ўсім мяне забяспечылі», – сказаў Мбапэ.
Клуб падрыхтаваўся загадзя - адразу пасля матчу Мбапэ не пайшоў у распранальню, а прыняў удзел у цырымоніі ўзнагароджання. Яму ўручылі спецыяльную статуэтку, зладзілі калідор і авацыі.
«На жаль, я не магу сёння адзначыць з вамі гэты гістарычны момант для клуба і Кіліяна. Мбапэ – той гулец, які любіць рэкорды, а рэкорды любяць яго. Гэта падкрэслівае яго стабільнасць і фантастычную эфектыўнасць. Яго шлях з моманту прыходу да нас быў выдатным, ён забіў шмат галоў, выйграў шмат трафеяў і перажыў шмат эмацыйных момантаў», – сказаў прэзідэнт клуба Насер Аль-Хелайфі.
Павіншаваў свайго аднаклубніка і Ліянель Месі. Нягледзячы на чуткі пра незадаволенасць аргентынца выбарам клуба пабудаваць праект вакол Кіліяна, пасля гістарычнага дасягнення Леа апублікаваў пост у сваім Instagram.
Цікава, што ў гэтым жа матчы аргенцінец сам усталяваў выдатнае дасягненне, адкрыўшы лік – цяпер у яго 1000 ачкоў па сістэме гол+пас!
Але вернемся да Кіліяна. Мяч у браму «Нанта» - 201-ы для яго ў футболцы ПСЖ. Каб дасягнуць гэтага, французу спатрэбілася 247 матчаў і 6 няпоўных сезонаў. Звер!
Ну і цяпер пяцёрка найлепшых бамбардзіраў у гісторыі парыжскага клуба выглядае так.
Ну а спіс дасягненняў Кіліяна да 24 гадоў проста ўражвае:
◉ найлепшы бамбардзір у гісторыі«ПСЖ» (201) ⚽️
◉ найлепшы бамбардзір у гісторыі фіналаў ЧС (4) ⚽️
◉ найлепшы бамбардзір ЧС-2022 ⚽️
◉ 4-разовы найлепшы бамбардзір сезону в Лізе 1 ⚽️
◉ першы футбаліст у гісторыі ПСЖ, які здолеў аформіць 5 галоў за матч ⚽️
◉ чэмпіён свету 🏆
◉ пераможца Лігі Нацый 🏆
◉ 5-разовы чэмпіён Францыі 🏆
◉ 3-разовы ўладальнік Кубка Францыі 🏆
◉ 2-разовы ўладальнік Суперкубка Францыі 🏆
◉ 2-разовы ўладальнік Кубка Лігі 🏆
◉ 3-разовы ўладальнік узнагароды найлепшаму гульцу сезона ў Лізе 1 🏆
◉ 3-разовы ўладальнік узнагароды найлепшаму маладому гульцу сезона ў Лізе 1 🏆
◉ Уладальнік прэміі Golden Boy 🏆
Хтосьці сумняваецца, што ён стане сусветнай легендай?
***
У цяперашнім сезоне на рахунку Мбапэ 30 галоў у 30 матчах, таму чакаем, што да лета ён адарвецца ад спісу найлепшых бамбардзіраў яшчэ як мінімум на 15-20 галоў.
«Дзверы зачыняюцца». Месі не хоча працягваць кантракт з «ПСЖ» – незадаволены зацыкленасцю на Мбапэ
Фота: REUTERS/Sarah Meyssonnier
