Гісторыя дня: Раналду стаў рэкардсменам еўра па асістах. Цяпер ЧЕ – афіцыйна яго турнір

Партугалія без асаблівых праблем разабралася з Турцыяй у другім туры Еўра-2024 – 3:0.

Разам з партнёрам праекта FAVBET расказваем гісторыю дня – пра чалавека, якога можна афіцыйна называць сімвалам гэтага турніру. Вядома, пра Крышціяну Раналду.

***

Трэці гол, які канчаткова дабіў Турцыю, на рахунку Бруну Фернандэша на 56-й хвіліне – з асіста Крышціяну Раналду.

ВІДЭА

Гэтым голам Раналду ўсталяваў адразу некалькі рэкордаў, у прыватнасці, цяпер ён – найстарэйшы аўтар асіста ў гісторыі Еўра (39 гадоў і 139 дзён).

Але галоўнае – ён дагнаў Карэла Паборскага з Чэхіі па колькасці асістаў у гісторыі Еўра – у абодвух цяпер іх па 8.

Крышу ж належыць і агульны рэкорд па колькасці выніковых дзеянняў на Еўра – 22.

Фактычна, Раналду зноў пацвердзіў свой ужо каронны тэзіс, які прасоўвае апошнім часам: «Я не іду за рэкордамі, рэкорды ідуць за мной».

Але гэта трошкі і падман – хутчэй за ўсё, менавіта з-за ўсведамлення магчымага рэкорду па асістах ён аддаў пас на Бруну ў сітуацыі, калі мог забіваць і сам – таму што рэкорд па колькасці галоў, 14, ужо і так належыць яму.

У цэлым жа для Раналду гэта 11-ы буйны турнір зборных запар, на якім ён робіць па меншай меры адно выніковае дзеянне – з моманту дэбюту на Еўра-2004 ён не спыняўся.

Таму гісторыю ён піша – і пры гэтым застаецца адносна блізкім да фанатаў. Мілым стала відэа з рэакцыяй дзяўчынкі на тое, што яна проста стаіць побач з Раналду:

Ды і юнаму заўзятару, які выбег на поле сфатаграфавацца з ім, Раналду таксама не адмовіў.

Фота: RFI