Легенд зборнай Англіі ў Германіі прынялі за пару закаханых – шкада, яны не трымаліся за рукі

Легенды зборнай Англіі Гары Лінекер і Алан Шырэр з'яўляюцца пастаяннымі ўдзельнікамі падкаста для BBC пра Еўра-2024.

У апошнім выпуску падкаста Лінекер распавёў пра нязручную размову са звычайным немцам іншаму экспэрту і былому футбалісту Майке Рычардсу.

Лінекер пачаў: «Міка, з намі нешта здарылася па дарозе сюды, у гэтую кватэру-студыю. Мы з Аланам крыху паелі італьянскай ежы і прыйшлі сюды, каб паглядзець гульню Аўстрыя – Турцыя.

Па дарозе мы праходзілі міма маленькай крамкі, а там быў такі музычны тэатр. На дарозе быў хлопец сярод невялікага натоўпу людзей, які пачаў крычаць мне і Шырэру на нямецкай.

І я кажу: «Прабачце, прабачце, я не размаўляю на нямецкай, а вы кажаце на англійскай?» і ён сказаў: «Ага, я размаўляю па-англійску».

Ён сказаў: «Я хачу ведаць, як доўга вы разам? Вы сапраўды выдатная пара».

Рычардс разрагатаўся, а Лінекер настойваў, што гісторыя праўдзівая.

Лінекер жартам сказаў немцу, што яны з Шырэрам разам з лютага 1992 года.

Шырэр дадаў: «Я думаў, што ён (той хлопец - Tribuna.com) заклапочаны тым, што нейкі чортаў старык сабраўся выкрасці мяне ці штосьці такога кшталту».

Легенда «Ньюкасла» дадала: «Шчыра кажучы, за ўсё жыццё мяне ніколі так не крыўдзілі. Прабачце, але так».

Лінекер адказаў: «Гэта крыху жорстка». А Рычардс пажартаваў, што яны сапраўды «былі б выдатнай парай».

Рычардс удакладніў, ці трымаліся яны за рукі. Лінекер на гэта адказаў: «Я думаю, што мы павінны былі гэта зрабіць, калі адышлі ад яго. Гэта было б вельмі весела».

Крыніца: Daily Mail