👑 Каралі камбэкаў гэтага Еўра: Англія ўвесь плэй-оф прапускала першай – але праходзіла далей
Ужо ў фінале!
Зборная Англіі абгуляла Нідэрланды 2:1 і выйшла ў фінал Еўра-2024. На шляху да гэтага каманду шмат крытыкавалі – і, падобна, яна ўсё ж даказала, што мае характар.
Прынамсі, усе перамогі ў плэй-оф каманда Гарэта Саўтгейта здабыла дзякуючы камбэкам – пасля таго, як прапусціла першай.
1/8 фіналу, Славакія – 2:1 (дадатковы час)
Славакія адкрыла лік на 26-й хвіліне: Давід Стралец у несамым відавочным эпізодзе аддаў пас на Івана Шранца, а той перайграў Джордана Пікфарда:
Зраўнялі літаральна апошнім ударам: на 90+5-й адбыўся Джуд Белінгем і яго ўжо легендарны гол бакавымі нажніцамі:
А ў экстратайме амаль адразу дабілі – Эзэ выканаў удар, Тоўні перахапіў і кінуў на вольнага Кейна:
1/4 фіналу, Швейцарыя - 1:1 (5:3 п)
Матч да 75-й хвіліны быў бедным на падзеі – пакуль за Швейцарыю не забіў Брээль Эмбала. Ндае прастрэліў, мяч крыху адрыкашэціў ад Стоўнза, і нападнік швейцарцаў замкнуў у вароты:
Але Швейцарыя вяла нядоўга: на 80-й Сака класна прабіў нізам у далёкі кут – мяч ад стойкі нырнуў у сетку:
Перамога ж была атрыманая толькі ў серыі пенальці – вырашальным стаў сэйв Пікфарда пасля ўдару Аканжы:
1/2 фіналу, Нідэрланды - 2:1
Ужо на 7-й хвіліне лік адкрыў нідэрландец Хаві Сіманс – адабраўшы мяч у Дэклана Райса і магутна прабіўшы ў далёкі кут:
Але на 15-й арбітр Фелікс Цваер прызначыў пенальці пасля прагляду ВАР за нібыта парушэнне Думфрыса супраць Кейна – уласна, Хары 11-метровы й реалізаваў:
Перамогу прынесла геніяльная падвойная замена Саўтгейта. На 81-й Філа Фодэна і Гары Кейна змянілі Коўл Палмер і Олі Уоткінс – і ўжо праз 10 хвілін першы асіставаў на другога. Гол! У Нідэрландаў амаль не заставалася часу, каб зраўняць:
Так што, калі раптам у фінале Іспанія заб'е першай, не спяшайцеся цешыцца.
Іншыя пасты карыстальніка
