9 простых фактаў, якія пацвярджаюць абсалютнае дамінаванне Іспаніі на Еўра
Перамога, якая ўражвае.
Зборная Іспаніі выйграла Еўра-2024, адолеўшы ў фінале Англію. Каманда Луіса дэ ла Фуэнтэ правяла моцны турнір – і выйграла яго ў абсалютна дамінантным стылі. Вось 9 фактаў, якія пацвярджаюць гэта.
1. Іспанія выйграла ўсе 7 (!) матчаў на Еўра. Так, з улікам авертайма з Германіяй, але ўсё роўна ўражвае. Адзіная зборная, якая выйгравала да гэтага чэмпіянат Еўропы з усімі перамогамі – Францыя. І гэта было аж у 1984 годзе, калі для трыумфу трэба было выйграць толькі 5 матчаў.
Усю статыстыку і вынікі Іспаніі зручна глядзець у тэгу зборнай на сайце або ў дадатках Tribuna.com для iOS і Android. Ўстанаўлівайце, каб нічога не прапусціць.
2. Іспанія прайшла самую складаную сетку на турніры: Харватыя, Італія, Албанія, Грузія, Германія, Францыя, Англія. Фактычна іспанцы ў плэй-оф па чарзе выбілі ўсіх фаварытаў, на якіх букмекеры ставілі перад пачаткам турніру. І пры гэтым яшчэ і спакойна выйгралі адну з самых складаных груп.
3. Іспанія ўстанавіла новы рэкорд па забітых галах на Еўра – 15. I гэта з такой сеткай! Пабілі дасягненні ўсё той жа Францыі-1984. Праўда, зноў успамінаем, што французы тады правялі толькі 5 матчаў.
4. I такая колькасць галоў – не выпадковасць: Іспанія стварыла з адрывам больш за ўсё Big chances – 26 (17 у бліжэйшага канкурэнта); і набрала з адрывам больш за ўсіх xG – 12,8 (9,8 у бліжэйшага канкурэнта). Так, іспанцы добра рэалізоўвалі свае моманты, але і стварылі іх нямала.
5. Родры стаў найлепшым гульцом Еўра-2024. I гэта нават нягледзячы на траўму і замену ў перапынку фіналу. Нарэшце апорнік зборнай Іспаніі і «Ман Сіці» атрымаў прызнанне пасля ігнаравання яго дасягненняў у АПЛ. Цікавы факт: з пачатку 2023 года Родры выйграў удвая больш трафеяў, чым прайграў матчаў, калі быў у складзе зборнай або клуба.
6. Ламін Ямаль стаў найлепшым маладым гульцом і найлепшым асістэнтам турніру. І паралельна паставіў неверагодную колькасць рэкордаў (наймалады гулец, аўтар голу і асісту, удзельнік плей-оф Еўра і гэтак далей).
7. Дані Ольма падзяліў тытул найлепшага бамбардзіра Еўра-2024 з трыма галамі. Таксама званне атрымалі нідэрландзец Кодзі Гакпа, грузін Жорж Мікаўтадзэ, славак Іван Шранц, англiчанiн Хары Кейн і немец Джамал Мусіяла.
8. Ольма і Ямаль – найлепшыя гульцы Еўра за гол+пас: 3+2 і 1+4 адпаведна.
9. Іспанія стала гістарычным дамінатарам на Еўра – устанавіла рэкорд па колькасці перамог, выйграўшы трафей у чацвёрты раз.
Фота: Tribuna.com/Віталій Вітлеа
Іншыя пасты карыстальніка
