7 зорных гульцоў, якія завяршылі кар'еры ў зборнай пасля Еўра і Кубка Амерыкі
Усе пакінулі след у гісторыі сваіх каманд.
Еўра-2024 і Кубак Амерыкі-2024 для некаторых футбалістаў сталі фінальнай кропкай у кар'еры – па меншай меры, на ўзроўні зборнай.
Матчаў і галоў за зборную: 56/5
Апошні матч: Іспанія – Англія, 2:1, фінал
Завяршыў: у зборнай
Развітальныя словы (пры аб'яўленні рашэння перад фіналам):
«Мaрата сказаў мне, што час мне пагутарыць [з журналістамі], таму што гэта будзе мая апошняя гульня.
Тое, што я ўсё яшчэ застаюся тут пасля столькіх гадоў, сведчыць пра тое, што я зрабіў усё добра, і было б дзіўна для ўсёй каманды скончыць з трафеем – мы гэтага заслугоўваем.
Нават у свае 38 я ўсё яшчэ ў захапленні ад усяго, дапамагаць зборнай, сваёй краіне... Але рашэнне ўжо прынятае».
Матчаў і галоў за зборную: 137/57
Апошні матч: Іспанія – Францыя, 2:1, 1/2 Еўра
Завяршыў: у зборнай
Развітальныя словы:
«Надышоў страшны момант: развітанне са зборнай Францыі.
Які гонар – насіць гэтую блакітную форму і прадстаўляць Францыю. Далучыўшыся да гэтай каманды, я знайшоў другую сям'ю ў гульцах і штабе. Мы заўсёды падтрымлівалі адзін аднаго, адчувалі радасць і расчараванне, перамогі і паразы, смех і слёзы, але заўсёды былі едныя.
Мая кар'ера ў зборнай Францыі не заўсёды была гладкай. Часам я сумняваўся, пакутаваў ад крытыкі, але ў глыбіні душы я ніколі не пераставаў верыць.
З гэтага часу я станаўлюся першым прыхільнікам «Ле Блё». Каманда Францыі, якой я служыў 13 гадоў, назаўжды застанецца ў маім сэрцы. Гэта мой найвялікшы гонар і мой найлепшы ўспамін».
Матчаў і галоў за зборную: 114/17
Апошні матч: Германія – Іспанія, 1:2, 1/4 Еўра
Завяршыў: цалкам з футболам
Развітальныя словы:
«Вось і ўсё. Але перш чым я вазьму перапынак і прынамсі паспрабую ўсвядоміць, што адбылося за апошнія 17 гадоў, я не хачу ўпускаць выпадку падзякаваць усім, хто прымае мяне такім, які я ёсць.
Дзякуй маім заўзятарам ва ўсім свеце за вашую безумоўную падтрымку. Дзякуй усім маім клубам і трэнерам за веру ў мяне. Дзякуй маім партнёрам па камандзе за тое, што яны заўсёды з радасцю прымаюць мяне.
Дзякуй маім сябрам за тое, што яны заўсёды былі сумленныя са мной, незалежна ад таго, наколькі паспяховым я стаў. Дзякуй маім агентам, якія сталі сябрамі. Дзякую маім бацькам за найлепшую падрыхтоўку да здзяйснення маёй мары.
Дзякую майму брату Феліксу за тое, што ён заўсёды быў маім фанатам нумар адзін. Дзякуй маім дзецям за тое, што яны мая найбольшая матывацыя паказваць найлепшае – няма нічога лепшага, калі твае дзеці ганарацца татам.
Дзякуй маёй цудоўнай жонцы Джэсіцы. Гэты поспех быў бы немагчымы без цябе. І апошняе, але не менш важнае: Дзякуй Футболу! Гэта выдатная гульня. Канец сувязі».
Матчаў і галоў за зборную: 131/45
Апошні матч: Германія – Іспанія, 1:2, 1/4 Еўра
Завяршыў: у зборнай
Развітальныя словы:
«Я заўсёды ганарыўся тым, што гуляю за сваю краіну. Мы разам святкавалі і часам разам пускалі слязу. Я хацеў бы падзякаваць усім заўзятарам і маім таварышам па зборнай Германіі за падтрымку на працягу многіх гадоў. Вазьміце з сабой энтузіязм і радасць цяперашняга Еўра».
Матчаў і галоў за зборную: 125/35
Апошні матч: Швейцарыя – Англія, 1:1 (3:5 пен), 1/4 Еўра
Завяршыў: у зборнай
Развітальныя словы:
«Сем турніраў, шмат галоў, 14 гадоў са зборнай Швейцарыі і незабыўныя моманты. Засталіся цудоўныя ўспаміны, і я кажу вам усім дзякуй».
Матчаў і галоў за зборную: 157/10
Апошні матч: Францыя – Бельгія, 1:0, 1/8 Еўра
Завяршыў: у зборнай
Развітальныя словы:
«Дзякуй за ўсе ўспаміны, я жыў сваёй марай!»
Матчаў і галоў за зборную: 145/31
Апошні матч: Аргенціна – Калумбія, 1:0, фінал
Завяршыў: у зборнай
Развітальныя словы:
«Гэта было прадвызначанае, гэтаму наканавана было адбыцца. Я марыў пра гэта. Я марыў, што выйду ў фінале, выйграю яго – і завяршу кар'еру ў зборнай.
У мяне столькі выдатных адчуванняў, і я бясконца ўдзячны цяперашняму пакаленню гульцоў. Сёння я сыходжу, але з тытулам».
Фота: Daniela Porcelli, Jargen Fromme/Global Look Press, ALEJANDRO PAGNI/Global Look Press
Іншыя пасты карыстальніка
