Белінгем ужо зразумеў праблему галактыкас «Рэала» – «напхаў» Вінi, Мбапэ і Радрыга ў перапынку

Абноўлены галактыкас «Рэала» страціў пункты ўжо ў першым туры Ла Лігі – 1:1 на выездзе супраць «Мальёркі» з Кіліанам Мбапэ, Вінісіусам, Радрыга і Джудам Белінгемам у складзе.

Англічанін, здаецца, адразу зразумеў адну з галоўных патэнцыйных праблем у камандзе.

Белінгем у перапынку звярнуўся да трыа атакі – папрасіў больш нападаў завяршаць ударамі

У перапынку паміж зорным трыа нападу адбыўся дыялог – бразільцы і навічок Мбапэ абмяркоўвалі, што ішло не так у першым тайме, нягледзячы на перавагу ў ліку.

Кіліян падкрэсліў, што прастора ў мадрыдцаў з'яўляецца толькі ў пераходных фазах і што трэба хутка пераводзіць з флангу на фланг пры атаках.

У гэтую размову ўмяшаўся Белінгем: «Вы трое – нам трэба завяршаць атакі, таму што бегчы назад ###### (капец) як цяжка».

Мбапэ пагадзіўся, пасля чаго Джуд дадаў: «Нават калі няма прасторы, трохі прасунуліся – і ўдар».

У словах Белінгема была логіка – «Мальёрка» закрылася ў глыбокай абароне каля ўласных варот, а затым забіла, што зрабіла становішча «Рэала» яшчэ больш складаным.

У такіх умовах любая страта – гэта неабходнасць бегчы назад. Таму Джуд і прасіў не дапускаць страт, а завяршаць атакі хоць бы ўдарамі здалёк – тады лягчэй становіцца ўсёй камандзе.

Белінгема можна зразумець – цяпер ён цягае раяль за кагосьці

Зразумела, навошта англічанін гэта гаварыў і чаму менавіта яго гэта турбавала.

Па-першае, ён з трансферам Мбапэ і пераходам на новую схему стаў гуляць ніжэй у паўабароне. Цяпер не за яго адпрацоўваюць, а ён мусіць адпрацоўваць за кагосьці.

Часткова мы гэта згадвалі ў разборы дэбюту Кiлiана – калі раней на абарону мала працаваў толькі Вiнiсiус, то цяпер іх з французам ўжо двое, што ўносіць дысбаланс.

Дэбютны досвед – дваякі. Як Анчалоці ўпершыню выкарыстоўваў Мбапэ ў «Рэале»

Па-другое, Белінгем сапраўды мае права выстаўляць прэтэнзіі – у двух стартавых матчах сезона ён выконвае шмат чарнавой працы на полі.

Джуд – лідар сярод паўабаронцаў «Рэала» па адзінаборствах, вяртаннях мяча і адборах. Плюс паспявае ў атацы.

Размова ні да чаго не прывяла – а другі тайм падарыў мемы пра атаку «Рэала»

План Джуда ўсё роўна не спрацаваў – «сметанкавыя» прымудрыліся скончыць гульню супраць «Мальёркі» амаль з аднолькавай колькасцю удараў (13:12).

Больш за тое, у сацсетках разляцеліся мемы пра дзеяннi аткавалага трыа Мбапэ-Віні-Радрыга – ёсць мноства скрынаў з матчу, калі яны ўтрох размяшчаліся на адным левым флангу.

Карла Анчалоці, падобна, ужо пачаў турбавацца і шукаць магчымасці выправіць праблему, бо сам згадаў пра баланс на прэс-канферэнцыі:

💬 «У другім тайме нам не хапала балансу, праз гэта мы маглі прайграць. Мы вельмі шмат атакуем, але баланс у абароне таксама вельмі важны.

Нам было складана перахопліваць мяч, аказваць ціск пасля страт. Калі казаць пра абарону, я маю на ўвазе перш за ўсё камандную гульню. Нам трэба быць больш сабранымі – гэта праблема не фізічнага, а псіхалагічнага характару.

Калі нам трэба адбіраць мяч, то ўсе павінны думаць пра гэта. Гэта праблема кожнага, а не толькі нападнікаў або абаронцаў».

Карма? Пасля перамогі на Еўра Кукурэлья праспяваў гумарыстычную песню, у якой згадаў Холанда – форвард «Сіці» адказаў на полі

Фота: Bagu Blanco/Press In Photo