Tribuna/Футбол/Блогі/Варану дзіка не шанцуе з траўмамі. У «Кома» зламаўся за 20 хвілін і не патрапіў у заяўку на сезон

Варану дзіка не шанцуе з траўмамі. У «Кома» зламаўся за 20 хвілін і не патрапіў у заяўку на сезон

Італьянцы могуць скасаваць пагадненне са шматпакутным абаронцам.

3 верасня 2024, 02:20

Варану дзіка не шанцуе з траўмамі. У «Кома» зламаўся за 20 хвілін і не патрапіў у заяўку на сезон

Сезон 2024/25 для 31-гадовага Рафаэля Варана мусіў стаць новым выклікам пасля таго, як француз пакінуў «МЮ» на правах свабоднага агента (прыходзіў за 40 млн еўра).

Аднак нешта пайшло зусім не так.

• «Тое, што мяне пераканала – гэта агульны праект. Гэта вельмі цікавы праект, для мяне гэта магчымасць дапамагчы клубу дасягнуць пэўнай мэты, рэалізаваць мае асабістыя амбіцыі, прыйсці сюды і паспрабаваць новыя выклікі.

Сеск [Фабрэнас] згуляў важную ролю ў тым, каб пераканаць мяне, але гэты новы выклік з новым чэмпіянатам, скажам так, утрымоўваў усе элементы, каб пераканаць мяне прыехаць сюды», – казаў Варан па прыходзе да навічка Серыі А «Кома».

• Бяда прыйшла ўжо ў дэбютным матчы – кубкавым супраць «Сампдорыі». Траўмаваўся абаронца ўжо ў першыя 20 хвілін гульні – у спробе дагнаць мяч, фактычна на роўным месцы:

Пасля эпізоду Варан адкасаў гетры і папрасіў арбітра паклікаць медперсанал:

У рэшце пакінуў поле, каб высветліць, ці зможа працягнуць гульню – праз тры хвіліны адбылася замена:

• Пазней аказалася, што ў Варана дастаткова сур'ёзная траўма калена з дакладна неакрэсленым тэрмінамі аднаўлення.

Але дакладна працяглым – «Кома» пакуль выключыў Варана са сваёй заяўкі з 25 гульцоў на сезон Серыі А, дзе той так і не дэбютаваў. Хаця француз усё яшчэ значыцца ў агульным спісе футбалістаў клуба:

Больш за тое, Sport Mediaset паведамляе, што ў «Кома» разглядаюць варыянт датэрміновага спынення кантракту з абаронцам, які разлічаны да чэрвеня 2026-га.

• У цэлым з пачатку сезона 2022/23 Варан ужо прапусціў праз розныя траўмы 32 матчы – амаль паўнавартасны сезон. Улічваючы, што бліжэйшыя паўгода яму футбол наўрад ці свеціць, ён дакладна перасячэ адзнаку ў 40 прапушчаных матчаў – хіба што на гэтым тыдні яго «авансам» не падпіша які-небудзь саудаўскі клуб: