Што яны там забылі? 15 самых дзiўных трансфераў лета
Як кар'ера FIFA у рэальным жыцці.
Летняе трансфернае акно ўразіла не толькі якаснымі здзелкамі, завоблачнымі сумамі трансфераў і працай асобных клубаў на рынку – у гэтым годзе было яшчэ і нямала нечаканых пераходаў.
Віктар Асімхен → «Галатасарай» (арэнда)
Прычыны зразумелыя – нігерыец пасварыўся з усімі ў Неапалі і не гуляў бы да зімы, калі б застаўся ў клубе. Але ўсё роўна не ўкладваецца ў галаве, як Асiмхен замест топаў трапiў вось сюды.
Transfermarkt ацэньвае Асімхена ў 100 млн еўра – ён, вядома, адразу ж стаў найдаражэйшым гульцом турэцкага чэмпіянату. Найбліжэйшы праследавальнік – Саф'ян Амрабат, якога ацэньваюць у 22 млн еўра.
Себасцьян Алер → «Леганес» (арэнда)
Себастьян Алер яскрава вярнуўся ў футбол пасля выйгранай бітвы ў пухліны яечка – 9 галоў і 5 асістаў у 19 матчах Бундэслігі ў другой палове сезона 2022/23. Але ў мінулым сезоне наступствы хваробы моцна паўплывалі на яго фізічную форму, таму ў «Дортмундзе» ён амаль не гуляў.
Па кантракце Алер атрымлівае адзін з найвялікшых заробкаў у «Барусіі», таму клуб, відавочна, быў гатовы выслухаць усе прапановы па форвардзе гэтым летам. Праблема адна – іх не было. Але раптам у апошнюю хвіліну летняга трансфернага акна «Дортмунд» проста неадкуль абвясціў пра яго арэнду ў «Леганес». Навічок іспанскай Ла Лігі гатовы даваць Алеру гульнявую практыку, а таксама пагадзіўся закрыць большую частку яго заробку.
Джэйдан Санча → «Чэлсі»
Тое, што ў Джэйдана Санча няма і не магло быць будучыні ў «МЮ», было зразумела яшчэ з часоў ягонай сваркі з Эрыкам тэн Хагам. Хтосьці марыў пра яго вяртанне ў «Дортмунд», чуткі актыўна звязвалі яго з пераходам у «Ювентус», але ў дэдлайн трансфернага акна Джэйдан нейкім цудам апынуўся ў «Чэлсі» – з Палмерам, Нкунку, Мадуэке, Мудрыкам, Нету і Феліксам. Навошта? Баэлi яго ведае.
Рахім Стэрлінг → «Арсенал»
Судзячы па логіцы (калі ў дзеяннях «Чэлсі» яе ўвогуле можна знайсці), Санча стаў такой сабе заменай Рахіму Стэрлінгу, які таксама 30 жніўня пакінуў клуб і адправіўся да Мікеля Артэты ў «Арсенал».
Англічаніна ўжо можна было ўявіць у Турцыі, у Саудаўскай Аравіі і нават у «Крыстал Пэлас», але ніяк не ў «Арсенале». І наколькі ж гэты пераход зарадзіў Рахіма – у паўночным Лондане ён абяцае найлепшую версію сябе!
Хамес Радрыгес → «Рая Вальекана»
Усе пераходы Хамеса Радрыгеса пасля сыходу з «Рэала» ў 2020-м можна назваць максімальна рандомнымі, бо з тых часоў ён гуляў за «Эвертан», катарскі «Аль-Раян», «Алімпіякос» і «Сан-Паўлу». Пасля такога сусветнага турнэ наўрад ці хтосьці мог чакаць, што калумбіец вернецца ў топ-чэмпіянат, але цяпер ён будзе выступаць за «Рая Вальекана» ў Ла Лізе.
Хамес натхніўся сваім ідалам Радамелем Фалькаа, які пасля нязгод у кар'еры таксама падпісаўся ў «Рая» і ўсё яшчэ атрымліваў асалоду ад футбола.
Стэвен Бергвейн → «Аль-Іціхад»
Пакуль любы пераход у Саудаўскую Аравію цяжка назваць рандомным, але не ў выпадку Стэвена Бергвейна. Экс-капітан «Аякса» прапусціў міжсезонне з-за пашкоджанняў, не знайшоў агульную мову з новым трэнерам Франчэска Фарыёлі (хаця той казаў, што паміж імі няма ніякіх праблем) і пакінуў клуб ужо пасля закрыцця еўрапейскага трансфернага акна.
Найбуйнейшы факап амстэрдамцаў менавіта ў гэтым выпадку – Бергвейну нават не знайшлі замену, ды і адпусцілі ўсяго за 21 млн еўра.
Трэнер зборнай Нідэрландаў Рональд Куман ужо афіцыйна абвясціў, што з-за пераходу ў «Аль-Іціхад» дзверы для Стэвена ў каманду зачыненыя.
Мэйсан Грынвуд → «Марсель»
Таленавітыя брытанскія і ў прыватнасці англійскія футбалісты рэдка пераязджаюць за мяжу мясцовага футбола, аднак з-за праблем, якія Мэйсан Грынвуд стварыў сам для сябе ў мінулым, бачыць яго дома ніхто не хацеў.
Пасля леташняга інтэрмеца ў «Хетафэ» англічанін перайшоў у «Марсель» і стаў толькі пятым англічанінам у гісторыі каманды ў XXI стагоддзі.
Віліян → «Алімпіякос»
Віліян пакінуў «Фулхэм» пасля двух гадоў у Лондане, і пераезд у Саудаўскую Аравію здаваўся найлепшым рашэннем у кантэксце яго будучыні – зрэшты, пэўнай цікавасці да яго паслуг адтуль амаль не было, таму 36-гадовы бразілец з'ехаў у «Алімпіякос».
Джамал Льюіс → «Сан-Паулу» (арэнда)
Абсалютны топ-1 гэтага спісу!
Яшчэ 4 гады таму Джамал Льюіс прыехаў у «Ньюкасл» як адзін з найперспектыўнейшых левых абаронцаў Англіі, але Льюіс згуляў толькі 36 матчаў за асноўную каманду, а ў мінулым сезоне ездзіў у арэнду ў «Уотфард».
У гэтым сезоне футбаліст зборнай Паўночнай Ірландыі зноў паехаў у арэнду – у Бразiлiю. Мякка кажучы, гэта значна больш нечакана, чым нават азiяцкiя варыянты.
Скот Мактоміней і Білі Гілмар → «Напалі»
Выратавальнік «МЮ» Мактоміней усё ж пакінуў клуб пасля 22 гадоў у структуры «манкуніянцаў». Вядома, многія заўзятары бачылі яго ў іншым клубе АПЛ (ім цікавіліся «Ньюкасл», «Вэст Хэм» і «Фулхэм»), але шатландзец працягне ў «Напалі».
А хто ўвогуле мог падумаць, што разам з ім у Неапаль пераедзе суайчыннік і партнёр па цэнтры поля ў зборнай Білі Гілмар?
Гэтае трансфернае акно разбурыла ўсе стэрэатыпы.
Скот Маккена і Олі Макберні → «Лас-Пальмас»
Гэта як Мактоміней і Гілмар, толькi на крыху нiжэйшым узроўнi. Два шатландца ў адным клубе з Iспанii – 🤯🤯🤯
Сауд Абдэльхамід → «Рома»
Трансферы ў Саудаўскую Аравію з Еўропы ператварыліся ў трэнд. А «Рома» зрабiла ўсё наадварот, падпісаўшы 25-гадовага правага абаронцу Абдэльхаміда. Саудавец на радзіме паспеў пагуляць за «Аль-Іціхад» і «Аль-Хіляль».
Дуглас Коста → «Сідней»
Дуглас Коста не толькі зарэгістраваўся на OnlyFans, але і падпісаў кантракт з «Сіднеем». Ён сапраўды не патрэбен ні на радзіме, ні ў краінах, дзе не шкадуюць грошы?
Фота: Galatasaray SK, C.D. Leganes, Chelsea FC, Arsenal, Rayo Vallecano, Al-Ittihad Club, MIGUEL MEDINA/AFP, Olympiacos FC, São Paulo FC, SSC Napoli, UD Las Palmas, AS Roma, Sydney FC
Іншыя пасты карыстальніка
