Хатнія гадаванцы ў белспорце: штучная парода Азаранка, у Шаранговiча разнастайнасць, зноў шпiцы ў хакеi
Ёсць i трусiкi.
На днях жонка Вячаслава Глеба патрапіла ў сітуацыю, якая папахвае, – яе сабака, белы той-тэр’ер Бьянка, вырашыў пакакаць побач з ліфтам у пад’ездзе. Жанчына гэтага не заўважыла, за што атрымала прэтэнзію ад старшыні дома.
А ўвогуле сабака ўдзельнічае ў фотасесіях, бывае ў кавярнях і нават глядзіць футбол.
Глеб-малодшы – далёка не адзіны беларускі спартсмен, у якога ёсць хатнi гадаванец. Вось i iншыя прыклады.
Былая тэнісістка Вольга Барабаншчыкава шмат гадоў дапамагае бяздомным жывёлам. Кагосьці ўдаецца прыстроіць у іншую сям’ю, але нямала сабак жывуць у доме экс-спартсменкi.
Для тых, каго спрабуе ратаваць, Барабаншчыкава арганізоўвае фотасесіі, каб павялічыць шанцы на пошук новага дому. Суправаджаюцца пасты хештэгам «не набывай, прытулi».
Гулец «Калгары» Ілля Салаўёў пару гадоў таму завёў белага бішона-фрызэ.
У сям’i форварда «Калгары» Ягора Шаранговіча ўжо некалькі гадоў жыве пудзель Шаркі. Сабака падарожнічае па ўсім свеце.
Гэтым летам дадаўся і белы трус, якога назвалі Шпрот.
Два трусы жывуць у Веры Лапко, якая ў лютым гэтага года прыняла рашэнне завяршыць тэнісную кар’еру з-за траўм.
У сям'і хакеіста Івана Кульбакова, які днямі стаў бацькам дачкі Стэфаніі, жывуць два шпіцы белага і карамельнага колераў. Час ад часу ў яго сацсетках з'яўляюцца здымкі з пухнацікамі.
Прарэжымная гімнастка Аліна Гарнасько мае сабаку Бруна даволі рэдкай пароды лагота раманьёла.
Сабака ўдзельнічаў у фотасесіі новага аўтамабіля спартсменкі – «Тэслы» бутэлькавага колеру.
У футбаліста брэсцкага «Дынама» Сяргея Кісляка жыве невялікі сабака пароды кавалер-кінг-чарльз-спаніэль па мянушцы Оззі.
Праўда, здаецца, ініцыятыва завесці сабаку належыла не спартсмену.
Тая ж парода – у разыгрываючага гандбольнай зборнай Беларусі Вадзіма Гайдучэнкі, які выступае за французскі «Біер».
Трэнер салігорскага «Партызана» Мікалай Януш мае сабаку большых памераў – бернскага зененхунда.
А футбаліст дзяржынскага «Арсенала» Арцём Сарока ўжо амаль 10 гадоў жыве з белым самаедам.
У сям“і паўабаронцы мінскага «Дынама» Аляксандра Сялявы ў траўні гэтага года з’явіўся мальтыпу – гэта штучная «дызайнерская» парода, скрыжаванне мальтыйскай балонкі і той-пудзеля.
На дызайнерскай пародзе спыніла свой выбар і былая першая ракетка свету Вікторыя Азаранка. У яе амерыканскім доме жыве голдэндудль – «мікс» залацістага рэтрывера і пудзеля.
У сям’і плыўца Іллі Шымановіча жыве проста такса.
Падпiсантка за Лукашэнку Ірына Лешчанка, якая сёлета завяршыла бiятлонную кар’еру, пару гадоў таму завяла рудага пухнатага чау-чау.
А вось рэжымная пара біятланістаў Смольскіх спыніла свой выбар на катах. Але фота гадаванцаў – рэдкая з’ява ў іх сацыяльных сетках.
Іншыя пасты карыстальніка
