У новым «ПСЖ» шмат маладых талентаў – што трэба пра іх ведаць
Невеш, Дуэ, Пача і іншыя.
Шмат гадоў французскі гранд асацыяваўся ў заўзятараў з марнатраўцамі, гатовымі ўкладваць шалёныя сродкі ў зорак сусветнага маштабу, збіраць неверагодныя каманды, але абавязкова цярпець няўдачу. Гаворка не пра чэмпіянат і іншыя ўнутраныя турніры, там клубу амаль няма роўных.
Такія магутныя інвестыцыі ўкладвалі дзеля перамогі ў Лізе чэмпіёнаў, чаго дагэтуль не адбылося. У мінулым сезоне ў складзе гуляў Кіліян Мбапэ, але яго пераезд у Іспанію распачаў новую эпоху.
Цяпер у «ПСЖ» няма рэальнай суперзоркі, якая ўваходзіць у топ-10 найлепшых футбалістаў свету. Канешне, статусныя гульцы ёсць, але цяпер у асноўны склад нярэдка трапляюць і маладыя таленты.
Пра некаторых з іх пагаворым у гэтым тэксце.
20 гадоў, апорны паўабаронца
З падрабязнай статыстыкай гульца можаце азнаёміцца ў яго профілі на Tribuna.com
Паўабаронца быў вельмі жаданым футбалістам шмат для якіх топавых еўрапейскіх клубаў на трансферным рынку. Гэта чарговы талент з акадэміі «Бенфікі», які ўжо паспеў згуляць у складзе зборнай Партугаліі на Еўра-2024.
Пераход Энца Фернандэса ў «Чэлсі» дазволіў яму ўварвацца ў асноўную каманду, а кар'ерная траекторыя пайшла ўгару. Спачатку ён атрымліваў невялікую колькасць гульнявых хвілін, але бліжэй да завяршэння сезона 2022/23 стаў жалезным гульцом старту. Больш за тое, вызначыўся дэбютным голам у чэмпіянаце ў прынцыповым матчы са «Спортынгам», у дадатковы час другога тайма граматна згуляўшы на дабіванні.
З наступнай кампаніі Жаау адгульваў усё большую ролю ў партугальскім клубе. Паступова пачаў з'яўляцца энтузіязм з боку прадстаўнікоў іншых чэмпіянатаў. Найбольш актыўным быў «Манчэстэр Юнайтэд», таксама Невеша хацеў бачыць «Арсенал». Але ў выніку ён апынуўся на «Парк дэ Прэнс». Дэбют у новай камандзе атрымаўся шыкоўным – пяць асістаў у стартавых турах чэмпіянату Францыі, у тым ліку па два ў двух першых матчах.
У яго ёсць патэнцыял, каб ператварыцца ў суперзорку ў будучыні. Яго можна ахарактарызаваць як нестандартнага апорнага паўабаронцу, якога складана назваць разбуральнікам. Але ён дастаткова ўніверсальны. Можа не толькі паспяхова выконваць апорніка, але і падключацца наперад, рухацца па ўсёй шырыні поля.
Адзін з галоўных скілоў – уменне дыктаваць тэмп атак. Здольны прымаць мяч пад прэсінгам, быў адным з лідараў па колькасці перадач у фінальную трэць у партугальскім чэмпіянаце. Жаау здольны якасна камбінаваць з партнёрамі, а пасля адкрывацца пад зваротную перадачу.
Досыць інтэнсіўна гуляе без мяча, што таксама важна ў футболе Луіса Энрыке. Да таго ж паступова набірае ў плане гульні ў фінальнай трэці. Раней гэта быў яго слабы бок, але, што даказвае колькасць асістаў у Лізе 1, ён паступова падцягвае і гэтае ўменне. Таму патэнцыйна гэта адзін з лідараў французскага клуба.
19 гадоў, левы вінгер
З падрабязнай статыстыкай гульца можаце азнаёміцца ў яго профілі на Tribuna.com
Трансфер Кіліяна Мбапэ прымусіў «ПСЖ» шукаць новага левага вінгера. Шмат хто чакаў набыцця нейкай зоркі, але клуб нечакана зрабіў стаўку на выхаванца «Рэна» Дэзірэ Дуэ.
Вінгер паспеў пагуляць у розных моладзевых зборных Францыі, выйграць Чэмпіянат Еўропы U-17 і неўзабаве можа дэбютаваць у асноўнай камандзе «Ле Блё». За час выступаў у складзе «брэтонцаў» выходзіў не толькі на сваёй намінальнай пазіцыі, але і ў якасці паўабаронцы. Два папярэднія сезоны атрымаліся ўдалымі для Дэзірэ – 8+7 ва ўсіх турнірах. Нядзіўна, што ім зацікавілася шмат топ-клубаў.
Дуэ выдавалі шматлікія авансы з дзяцінства. Яго гульня была настолькі ўпэўненай ужо ў юным узросце, што «Рэн» калісьці нават парушыў сваё правіла не падпісваць гульцоў маладзейшых за дзевяць гадоў. Ужо тады ён вылучаўся тэхнікай, а з гадамі толькі паляпшаў скілы, таксама шмат хто вылучае яго прафесіяналізм.
Часткова па характарыстыках вінгер нагадвае Мбапэ. Напрыклад, уменнем пераадольваць супернікаў на хуткасці, пры гэтым упэўнена кантралюючы мяч. У мінулую кампанію ў Лізе 1 ён абышоў па колькасці ўдалых спроб дрыблінга і самога Кіліяна.
Калі па гэтым паказніку Дуэ рэальна выдзяляецца, то гульню ў фінальнай трэці яму ўсё яшчэ трэба паляпшаць. Ён наносіць вялікую колькасць удараў, але іх канверсія недастаткова высокая.
Зрэшты, гэтыя аспекты могуць палепшыцца ў будучыні, таму сачыць за прагрэсам Дэзірэ дакладна варта.
22 гады, цэнтральны абаронца
З падрабязнай статыстыкай гульца можаце азнаёміцца ў яго профілі на Tribuna.com
Цэнтральны абаронца ў свае 22 мае дастаткова шмат досведу. Як мінімум пра гэта сведчаць выступы ў зборнай Эквадора, дзе ён з'яўляецца гульцом асновы.
Далучыўшыся да «Антверпена», Вільян добра сябе зарэкамендаваў і адразу стаў жаданым актывам на павышэнне. Нават нягледзячы на адзін сезон у Бельгіі, Пача, які сфармаваў магутную звязк ў цэнтры абароны з Тобі Альдэрвейрэльдам, выйграў чэмпіянат і Кубак, а затым адправіўся ў «Айнтрахт».
Нельга выключаць, што нехта з наймацнейшых каманд кантынента мог купіць яго адразу пасля гэтага нечаканага поспеху, але, па-першае, выбар на карысць клуба з Франкфурта выглядаў прадумана, таму што там умеюць даводзіць прагрэс многіх футбалістаў да максімуму, па-другое, ён мог пацвердзіць свой узровень у адным з топ-чэмпіянатаў.
Менавіта гэта і адбылося. Пача адразу стаў асноўным, правёў амаль усе матчы Бундэслігі, таму пераезд у «ПСЖ» выглядаў лагічным працягам.
У мадэлі гульні новага клуба яго якасці выдатна карэлююць з бачаннем галоўнага трэнера. Пача – фізічна моцны цэнтральны абаронца, які добра выглядае ў адзінаборствах. Яго цяжка адужаць на другім паверсе, а за кошт агрэсіўнага адбору, умення гуляць больш праактыўна і чытаць намеры суперніка ён часцей за ўсё выбірае аптымальны момант для таго, каб зрабіць крок на апанента. Умее страхаваць высокую лінію абароны, што зноў жа актуальна ў кантэксце цяперашняй гульні каманды.
У тройцы цэнтрбекаў ён нярэдка знаходзіцца бліжэй да сваіх варот, каб страхаваць у выпадку страты мяча. Праз уменне прадбачыць падобныя сітуацыі часцей за ўсё ў Вільяна атрымоўваецца нівеляваць пагрозу. У фазе валодання ён таксама здольны быць карысным. Можа аддаць якасную перадачу наперад для аптымальнага развіцця атакі.
Наяўнасць такога абаронцы дазваляе іншым футбалістам «ПСЖ», таму ж Маркіньясу, смялей падымацца вышэй, а проста цяпер яго ўжо можна назваць гульцом элітнага ўзроўню.
20 гадоў, цэнтральны абаронца
З падрабязнай статыстыкай гульца можаце азнаёміцца ў яго профілі на Tribuna.com
Талент Лукаса не застаўся незаўважаным падчас выступаў за «Сан-Паўлу». Прайшоўшы праз некалькі юнацкіх калектываў іншых клубаў Бразіліі, цэнтральны абаронца добра сябе праявіў на моладзевым Кубку Сан-Паўлу, а затым дэбютаваў у дарослым футболе. Гэта адбылося пасля таго, як тры цэнтрбэкі асноўнай каманды атрымалі пашкоджанні, таму трэнерскі штаб вырашыў рызыкнуць і даверыцца Бералда. І той аддзячыў за давер.
У нейкі момант здавалася, што яго інтэграцыі ў склад можа перашкодзіць невялікае пашкоджанне, але гэта толькі часова запаволіла прагрэс гульца. Праз некалькі месяцаў ён быў ужо бясспрэчна асноўным.
«ПСЖ» вырашыў не чакаць, пакуль прапанову па ім складуць іншыя гранды, таму аформіў здзелку пасярод мінулага сезона. Бералда гуляў у цэнтры, а таксама ў некаторых матчах выходзіў у якасці левага абаронцы.
Моцныя бакі – фізічная моц, спакойная гульня нават пад прэсінгам, добры першы пас. Яму давярае трэнерскі штаб, а сам ён з'яўляецца футбалістам асноўнага складу.
22 гады, левы вінгер
З падрабязнай статыстыкай гульца можаце азнаёміцца ў яго профілі на Tribuna.com
Напэўна, галоўны актыў клуба проста цяпер. Вінгер мае сур'ёзны патэнцыял і прыцягваў увагу ад самага пачатку пасля трансферу ў «ПСЖ». Але ствараецца ўражанне, што ён толькі пачынае імкліва прагрэсаваць і ператварацца ў сапраўднага лідара.
Брэдлі – выхаванец «Ліёна», добра праяўляў сябе на моладзевым узроўні, а ў сезоне-2022/23 уразіў шмат каго, зрабіўшы 5+9 у Лізе 1. У тым ліку моцна выглядаў ў матчах з французскімі грандамі, а цяперашняй камандзе наогул забіў пераможны мяч у другім крузе той кампаніі.
Таму вялікія грошы за яго трансфер не выглядалі неапраўданымі. Што цікава, менавіта па пазіцыі малады талент мусіў стаць заменай Мбапэ. Яны з ім добра ўзаемадзейнічалі на полі, тады Кіліян у большасці сваёй гуляў форварда, а на флангу выходзіў менавіта Баркаля.
На сёння у яго ўжо 6 галоў у чэмпіянаце Францыі, а таксама мяч у вароты зборнай Італіі ў Лізе нацый. Акрамя таго, што гол стаў самым хуткім у гісторыі «Ле Блё», дык аказаўся яшчэ і дэбютным для вінгераў у нацыянальнай камандзе.
У Брэдлі ёсць усё для таго, каб стаць суперзоркай – выдатны дрыблінг, хуткасць, ён адзін з найлепшых гульцоў топ-чэмпіянатаў па колькасці перадач у штрафную суперніка ў сярэднім за 90 хвілін, а таксама па колькасці ўдараў за матч. Не выключана, што ўжо цяпер ён гатовы дэманстраваць стабільнасць і ўпэўненую гульню на пастаяннай аснове.
22 гады, левы абаронца
З падрабязнай статыстыкай гульца можаце азнаёміцца ў яго профілі на Tribuna.com
Левы абаронца быў важнай часткай чэмпіёнскага «Спортынга» пад кіраўніцтвам Рубена Амарыма і ўжо там выдзяляўся.
Толькі пасля аднаго паспяховага сезона Нуну перайшоў на «Парк дэ Прэнс» – і амаль адразу стаў асноўным. Выйграў канкурэнцыю ў Хуана Берната, а паралельна паступова заваяваў месца ў старце зборнай Партугаліі.
У мінулую кампанію прапусціў некалькі месяцаў праз пашкоджанне падкаленнага сухажылля, але калі даступны да гульні, абавязкова выходзіць на поле. Мендэш – адзін з лідараў гэтай каманды.
Спалучае ў сабе добрую хуткасць з якаснымі перадачамі, істотным аб'ёмам абарончнай працы, калі гэта неабходна. Таксама накіраваны на абвастрэнне, намагаецца прасоўваць мяч наперад за кошт дрыблінга ці перадач, таму не дзіўна, што такі крэатыўны гулец выдатна выглядае ў дамінантным стылі ПСЖ.
Фота: «ПСЖ», Henri Szwarc/Global Look Press
Іншыя пасты карыстальніка
