«Мае вочы перасталі кроватачыць». Што ў Шатландыі думаюць пра тое, як «Хартс» адолеў мінскае «Дынама»
Незадаволены сваёй камандай, ды i беларускай дасталася.
Мінскае «Дынама» няўдала стартавала ў Лізе канферэнцый – падапечныя Вадзіма Скрыпчанкі на апошняй хвіліне дададзенага часу прапусцiлi ды саступілі «Хартсу» (1:2).
Для шатландскай каманды гэтая перамога перапыніла зацягнутую серыю няўдач – да гэтага яна ў мiнулы раз выйгравала 11 траўня. Нягледзячы на гэта, мясцовая прэса не моцна песціла каманду ўвагай, а шэраг СМІ абмежаваўся радавой нататкай. Напрыклад, на сайце газеты The Herald цiкавiлiся ў рэдактараў, чаму агляд матчу «трэцяга па велічыні клуба Шатландыі, які перамагае на выездзе ў Еўропе, стаў артыкулам нумар 20 на спартыўнай старонцы».
Больш за ўсіх пастаралася шатландскае падраздзяленне таблоіда Sun. Там выйшаў атрыкул, у загалоўку якой абгулялі назву каманды – назвалi Heart breaker (пры напiсаннi разам то была б «траурная падзея», а так адрымалася «той, хто разбiў сэрца»).
У матэрыяле Sun падкрэслівалася атмасфера падчас матча без гледачоў, адзінай крыніцай шуму на якім «былі вялікія экраны за варотамі, на якіх нядоўга гучала музыка Лігі канферэнцый – усё было як у часы кавіда, толькі без кашлю і хрыпаў». Прычыну такой атмасферы – антываенны бан матчаў на тэрыторыi БеларусI – у нататке не было сказана.
Затое пра гэта згадвае ў сваім артыкуле выданне Daily Record. «Ніводны заўзятар не прайшоў шлях у 3300 міль да Усходняй Еўропы пасля таго, як матч быў перанесены за зачыненыя дзверы з-за санкцыяў УЕФА супраць Беларусі за ўдзел у расейска-ўкраінскай вайне», – піша яно і адзначае, што «ганарлівы» Ліам Фокс прысвяціў перамогу ўсім тым, хто не змог прыехаць падтрымаць каманду.
Edinburgh news адразу пасля матчу сабрала меркаваннi мясцовых футбольных экспертаў. Так, Дэрэк МакІнэс з TNT Sport назваў фантастыкай тое, як склалася гульня для «Хартса», яго калега Раян Макгоўэн прызнаў, што то была не лепшая гульня клуба, але перамога – менавіта тое, што было патрэбна «Хартсу». А Алан Прэстан са Sportsound проста назваў апошнюю атаку шатландцаў «бліскучай».
Найбуйнейшае брытанскае медыя BBC спытала пра перамогу наўпрост у чытачоў і некаторыя меркаванні апублікавала. Так, нейкі Крыс адзначыў, што выступ шатландскай каманды не дае яму ніякіх надзей на будучыню. «Мы вырвалі вельмі ўдалую і незаслужаную перамогу ў каманды, якая выглядала амаль гэтак жа дрэнна, як і мы», – адзначае ён. Заўзятар Пол дадаў, што ён «рады выціснуць перамогу, але супернiк быў у рэйтынгу тухлых».
Многія заўзятары «Хартс» глядзелі гульню ў адным з шатландскіх бараў, дзе, здаецца, панавала топавая атмасфера пасля гульні.
У каментарах у сацсетках клуба радаваліся перамозе сваёй каманды, але не без крытыкі.
«Непрыгожая перамога, але перамога. I пазітыўны малады хлопец Форестер – гулец матча, лёгка 👏👏»
«Цудоўны вынік, маркотная гульня. Не думаў, што Макей можа стаць яшчэ горш. Як жа я памыляўся»
«Спадзяюся, пасля сёння мы будзем ведаць нашы прыкладныя стартавыя 11. Гэта быў не лепшы матч, але мы перамаглі! Ва ўмовах недахопу магчымасцей атакi [аўтара пераможнага гола] Данду трэба ў стартавы склад, калі ён у форме. Мы заслужылі перарваць [серыю без перамог] i здолелi гэта сёння! Добрая праца, «Хартс», наперад, «Джамбас»!
«Дзякуй, ##### [снашаць]. Гэта было балюча, але перамога ёсць перамога»
«Добры вынік, але жахлівая гульня для прагляду. Нам сёння пашанцавала, і калі б у нас былі дастойныя супернікі, мы б абдзелалiся. Спадзяюся, мы здабудзем упэўненасць і працягнем»
«Не было прыгожа, але галоўнае – вынік. Малайцы 👏»
Толькі адзін з карыстальнікаў палічыў, што «Дынама» было «вельмi моцным супернікам» – i напiсаў пра «добрую перамогу» над iм.
«Уся справа ў выніку. Нарэшце мы перамаглі. Цяпер у нядзелю мы адолеем «Абердзін» і будзем iсцi наверх. Павінен прызнацца, што ў першым тайме я быў шалёны, таму што гэта зноў быў дзень сурка: супернік садзіцца, мы без мэты пінаем мяч, яны забіваюць. Але па ходзе гульні, я думаю, яны пачалі разумець, што Мінск – серадняк, і яго можна абыграць. I, як і ў выходныя, мы працягваем ісці наперад да фінальнага свістка і атрымліваем гол».
«Мінск быў слабой камандай, але, улічваючы, як нам не хапала ўпэўненасці і як далёка нам прыйшлося ехаць, гэта фантастычная перамога. Рады за Яна Данду. Я ўжо некалькі тыдняў кажу, што ён павінен гуляць»
«Мае вочы перасталі кроватачыць, таму цяпер я магу цешыцца вынікам. Мінск быў абсалютна жудасны», – была i такая радасць ад перамогі.
«Нам, канешне, вельмі пашнцавала з першым голам, але наконт другога не паспрачаешся. Спадзяюся, гэта стане каталізатарам для пачатку нашага сезона. Хаця наперадзе яшчэ шмат працы. Спадзяюся, мы атрымаем трэнера ў бліжэйшы тыдзень-два».
Былi i проста кароткiя паведамленнi з падтрымкай.
«Выдатная перамога сёння»
«Добрая праца, хлопцы, вы выдатныя»
«Цудоўна»
«Выдатная перамога! Ёсць ад чаго адштурхнуцца! Спадабалася бачыць радасць гульцоў!»
«Дааа! Хартс класна забіў на апошніх секундах. Заўзятар «Рэйнджэрс»
Іншыя пасты карыстальніка
