Жонка Хаві засвяціла сына ў футболцы «МЮ», калі той запаўняў з бацькам калекцыю Panini

Нурыя Кунілера ў Instagram падзяліліся фота, як Хаві бавіць вольны час са сваім пяцігадовым сынам Дэнам. Хлопец разам з бацькам запаўнялі калекцыю налепак Panini. Цікава, што Дэн быў апрануты ў футболку «МЮ» старога ўзору.

Як тлумачыць Daily Mail, магчыма, сын Хаві знаходзіўся ў акадэміі «чырвоных д'яблаў», і таму ў яго засталася старая форма. У апошні час англійская прэса часта кажа, што Хаві можа змяніць Тэн Хага на пасадзе галоўнага трэнера манчэстарцаў.

Раней была інфармацыя, што ўласнік «МЮ» Джым Рэткліф разам з выканаўчым дырэктарам клуба Амарам Берадай адправіліся ў Барселону, каб асабіста сустрэцца з іспанскім настаўнікам.

Але пасля аказалася, што на самой справе яны знаходзіліся ў сталіцы Каталоніі праз спаборніцтвы па ветразевым спорце. Рэткліф і Берада падтрымлівалі каманду Ineos Britannia, якая ў выніку прайграла Новай Зеландыі.

Раней Хаві выразна заявіў пра сваё жаданне працаваць у АПЛ: «Я быў бы рады працаваць там», – сказаў ён неяк The Times.

«Усе кажуць мне, што Прэм'ер-ліга – выдатная ліга для працы. Перш за ўсё, праз тое, як там жывуць гульнёй. Як там адносяцца і паважаюць вас, якая там атмасфера і стадыёны.

Дык чаму б і не? Я магу трэнаваць у Англіі, безумоўна, гэта адна з рэчаў, якую я хацеў бы адчуць у сваёй кар'еры», – падсумаваў іспанец.

Магчыма, жонка Хаві нечакана раскрыла сакрэт ці такім чынам намякнула на тое, што хутка яе муж стане кіраваць клубам з «Олд Трафард»?

Крыніца: Daily Mail