Балатэлі казаў, што ніколі б не пакінуў «Ніцу», каб не Віейра. Неўзабаве той узначаліць «Джэнаа», куды нядаўна перайшоў гулец

Фабрыцыа Рамана паведаміў, што новым галоўным трэнерам «Джэнаа» стане Патрык Віейра.

Адным з гульцоў каманды, якому наўрад ці спадабаецца гэтая навіна, з'яўляецца Марыа Балатэлі. Італьянскі нападнік далучыўся да генуэзцаў у канцы кастрычніка і ўжо паспеў двойчы выйсці на поле.

Балатэлі і Віейра даволі даўно ведаюць адзін аднаго. Яны правялі чатыры гады ў якасці партнёраў у «Інтэры» і «Манчэстэр Сіці», дзе быццам бы добра ладзілі.

Праблемы пачаліся, калі француз ужо стаў трэнерам і ўзначаліў «Ніцу», адным з лідараў якой тады быў Балатэлі.

Паміж былымі тыммейтамі адразу пачаліся канфлікты, якія праяўляліся ў тым ліку на футбольнае поле.

Вось, напрыклад, не надта цёплая камунікацыя пасля замены Марыа ў матчы супраць «Генгама» у Лізе 1:

У выніку італьянец пакінуў клуб у бліжэйшае трансфернае акно пасля прыход Віейра, адгуляўшы ўсяго 10 матчаў і не забіўшы ніводнага мяча (на фоне 18 за папярэдні сезон).

Выказваючыся пра адносіны публічна, абодва шукалі праблемы адзін у адным:

Віейра: «Менталітэт Марыа – складаны для калектыўнага віду спорту. Філасофія, якую я хацеў укараніць, – яднанне і працоўная этыка. Мне было цяжка працаваць з такім гульцом, як Марыа»

Балатэлі: «Праблема была ў тым, што стыль гульні Віейра мне не вельмі пасаваў. Я з ім добра ладзіў, але ў спартыўных пытаннях не згаджаўся. Калі б у мяне не было гэтых праблем з ім, я б ніколі не пакінуў «Ніцу».

Ці выйдзе ў зорак знайсці агульную мову ў новым клубе?

Фота: LaPresse, Man City, Reuters