«Гэта больш, чым джэрсі, гэта нашая культура». Зборная Грэнландыі па футболе эфектна прэзентавала сваю форму 

Футбольная асацыяцыя самага вялікага вострава існуе больш за 50 гадоў, але ўсё яшчэ не ўваходзіць у ФІФА. Праз гэта зборнай прыходзіцца гуляць з камандамі непрызнаных дзяржаваў і аўтаномій. Сама Грэнландыя, як і Фарэры, належыць Даніі. Але Фарэрскія астравы – у ФІФА з 1988 года. «Дызайн адлюстроўвае непахісную моц і ціхую прыгажосць ледзянога ландшафту Грэнландыі, увасабляючы цярпенне, цягавітасць і адзінства», – кажуць стваральнікі формы. 

Апошнім часам пра Грэнландыю сталі актыўны пісаць, бо абраны прэзідэнт ЗША Дональд Трамп заявіў пра намер купіць востраў. Супраць гэтага як і мясцовы ўрад, так і Данія, якая валодае востравам. Само кіраўніцтва Грэнландыі выступае за незалежнасць. Гэта можна спрасціць далучэнне і да ФІФА. 

Паводле апошняга апытання, амерыканскага агенцтва Patriot Polling, 57,3% жыхароў Грэнландыі падтрымліваюць ідэю далучэння да Злучаных Штатаў. 37,4% – супраць. ЗША ўжо аднойчы куплялі ў Данію іх тэрыторыю. З 1917 года Дацкая Вэст-Індыя належыць ЗША пад назвай Амерыканскія Віргінскія астравы. Там ёсць свая футбольная зборная і яны нават бяруць удзел у Алімпійскіх гульнях.