Як беларусаў з «Дынама» прэзентавалі ў Еўропе: фотасэт Мельнічэнкі ў стылёвых джынсах, Лапавухаў – у чужой кіпе
Падстрэлаў вырашыў паказаць сябе справай.
Гэтай зімой з мінскага «Дынама» ў еўрапейскія чэмпіянаты з'ехалі адразу трое беларусаў: Трафім Мельнічэнка – у «Порту Б» (Партугалія), Фёдар Лапаўхаў – у ЦСКА (Балгарыя), Дзмітрый Падстрэлаў – у «Партызані» (Албанія). Паглядзелі, як беларусаў прэзентавалі ў новых камандах.
Мельнічэнку зладзілі фотасесія на «Драгаў»
Мельнічэнка перайшоў у другую каманду «Порту» за 380 тысяч еўра. Прэзентавалі 18-гадовага форварда няхай і на пустым, але на 52-тысячным «Драгау» – стадыёне першай каманды, да якога Мельнічэнка трэба яшчэ дарасці: «Порту Б» праводзіць свае матчы на стадыёне імя Луіса Філіпэ Менеза з умяшчальнасцю 3 800 чалавек. На «Драгаў» у Мельнічэнкі была стыльная фотасесія і невялікае інтэрвʼю, у якім гучалі як банальныя словы (пра жаданне дапамагчы камандзе, парадаваць фанатаў і адаптавацца як мага хутчэй), і не зусім банальныя – і нават смелыя (пра жаданне выйграць тытул з першай камандай):
На фотасесію Мельнічэнка прыйшоў у модных распісаных джынсах. А вось гэты здымак атрымаўся асабліва крутым:
Мельнічэнка ўжо паспеў дэбютаваць за «Порту Б» – правёў 23 хвіліны супраць «Алверкі» (0:2). Тым часам у яго патэнцыйнага канкурэнта не найлепшае становішча ў першай камандзе – пасварыўся з трэнерам, выбыў з заяўкі, а яшчэ кажуць, што замест прысутнасці на матчы гуляў у камп'ютар. Зрэшты, сам гулец апошняе адмаўляе:
Лапавухаву не хапіла кіпы?
23 студзеня завяршылася трансферная сага з Фёдарам Лапавухавым. 21-гадовым галкіперам цікавіліся клубы з чэмпіянатаў Бельгіі і Даніі, на «Дынама» з прапановамі выходзілі «Вальядалід» і маскоўскі «Спартак», але ў выніку брамнік апынуўся ў сафійскім ЦСКА. Мінчукі за трансфер атрымаюць 650 тысяч еўра, а сам брамнік будзе зарабляць больш за 10 тысяч долараў на месяц – то бок прыкладна ў сем разоў больш, чым было ў мінскім «Дынама».
Лапавухава таксама прэзентавалі відэаролікам. На ім ён прыязджае да ЦСКА, які праходзіць перадсезонныя зборы ў турэцкай Анталіі, знаёміцца з камандай і трэнуецца. Выглядае хлопец вельмі ўпэўнена. Ну і занятак яму адразу далі даволі інтэнсіўны – відаць, каб успомніў пасля адпачынку, што такое праца.
Яшчэ была і фотасесія. Здаецца, навічок робіць акцэнт на трох зорачках, што на эмблеме клуба. У ЦСКА мае 31 чэмпіёнскі тытул.
Адрэагаваць на трансфер таварыша ў каментарах паспелі іншыя беларускія легіянеры – Уладзіслаў Марозаў (выступае ў Партугаліі) і Ягор Хаткевіч (Казахстан).
Цікава, што Лапавухаў трэнаваўся ў экіпіроўцы з 77-м нумарам, а на гульнявой футболцы з прозвішчам і на сайце ў беларуса #21:
Падобна, да Лапавухава пакуль што перайшла кіпа ад Гадуіна Каяліпу. Форвард з Цэнтральнай Афрыканскай Рэспублікі выступаў якраз пад 77-м нумарам і рабіў гэта вельмі паспяхова – за паўгода выбіў 15+2 па гол+пас у 17 матчах і за 2 мільёны еўра з'ехаў на павышэнне ў «Ланс», дзе ўжо вызначыўся дэбютным голам у Лізе 1.
Лапавухаў жа пасля трэнінгу назіраў, як яго партнёры грамілі ў таварыскім матчы карэйскі «Канвон» (3:0). А яшчэ прымаў віншаванні ад Генадзя Туміловіча, які ў жартоўным роліку расказаў, што цэліць на вольнае месца першага нумара ў мінскім «Дынама».
Падстрэлаў атрымаў стандартную праграму
Дзмітрыю Падстрэлаву ў «Партызані» ніякіх ролікаў не прысвячалі. Ды і дастаўся 26-гадовы вінгер албанцам бясплатна. Прэзентацыя беларуса абмежавалася стандартным наборам фотаздымкаў – з футболкай, у футболке і з падпісання кантракта.
Затое Падстрэлаў пачаў праяўляць сябе адразу ж – вызначыўся і ў таварняку, які прайшоў праз некалькі гадзін пасля аб'яўлення аб трансферы, і ў дэбютнай афіцыйнай гульні.
Іншыя пасты карыстальніка
