«Сіці» і «ПСЖ» рызыкуюць вылецець, «Арсеналу» дастаткова нічыі з аўтсайдарам для 1/8-й: расклады ЛЧ перад апошнім турам

Групавы этап Лігі чэмпіёнаў падышоў да завяршэння – застаўся адзін тур. Цалкам табліца выглядае так:

Нагадаем, што «Балоння», «Спарта», «Лейпцыг», «Жырона», «Црвена Звезда», «Штурм», «Зальцбург», «Слован», «Янг Бойз» ужо не маюць матэматычных шанцаў на еўракубкавую вясну.

«Ліверпуль» і «Барселона» гарантавалі сабе месца ў 1/8 фіналу.

Гарантавалі стыкі, змагаюцца за 1/8

Лёсавызначальныя матчы (тоўстым вылучаныя клубы гэтай зоны): «Інтэр» – «Манака», «Баварыя» – «Слован», «Барусія» Д – «Шахцёр», «Барселона» – «Аталанта», «Брэст» – «Рэал», «Зальцбург» – «Атлетыка», «Баер» – «Спарта», «Жырона» – «Арсенал», «Дынама» З – «Мілан», «Ювентус» – «Бенфіка», «Ліль» – «Феенорд», «Астан Віла» – «Селтык».

Шчыльнасць у табліцы неверагодная – нават 18-ы «Селтык» можа патрапіць у топ-8 (чыста матэматычна, але ўсё ж), аднак у яе ёсць свае градацыі: «Арсенал» і «Інтэр» ужо дакладна не апусцяцца ніжэй за 16-е месцы – калі і выпадуць у стыкавыя матчы, то будуць там сеянымі.

Ёсць свае градацыі і адносна таго, якія вынікі патрэбныя клубам, каб гарантавана патрапіць у 1/8-ю наўпрост без уліку дадатковых паказнікаў:

• «Арсеналу» і «Інтэру» – не прайграць «Жыроне» і «Манака» адпаведна;

• «Атлетыка», «Мілану» і «Аталанце» – перамагчы «Зальцбург», «Дынама» З і «Барселону» адпаведна.

У выпадку ўсіх астатніх вынікаў усіх клубаў гэтай зоны, у тым ліку ўсім клубам ніжэй, пачынаючы з «Байера», акрамя перамог-нічыіх-паражэнняў трэба будзе таксама аглядацца на вынікі канкурэнтаў і дадатковыя паказнікі.

Сцэнароў вельмі шмат – сітуацыя будзе гарантаваная дынамічнай.

Матывацыяй, акрамя топ-8, нагадаем, можа быць таксама трапленне ў топ-16 (сеяныя ў стыках) і банальна вышэйшае месца дзеля лягчэйшай сеткі ў плэй-оф.

Змагаюцца за стыкі

Лёсавыя матчы (тоўстым вылучаныя клубы гэтай зоны): «Ман Сіці» – «Бруге», «Барусія» Д – «Шахцёр», ПСВ – «Ліверпуль», «Штутгарт» – «ПСЖ», «Дынама» З – «Мілан», «Ювентус» – «Бенфіка», «Спортынг» – «Балоння»

У гэтай зоне таксама назіраецца расслаенне:

• ПСВ, «Бруге», «Бенфіка», «ПСЖ», «Спортынг» і «Штутгарт» рызыкуюць як вылецець у пэўных сцэнарах, так і ўчапіцца за зону 8-16 месцаў (сеяных);

• «Ман Сіці», «Дынама» З і «Шахцёр» змагаюцца за тое, каб патрапіць у топ-24.

Будзем арыентавацца тут на задачу-мінімум для ўсіх – патрапіць у плэй-оф без аглядкі на іншых:

• ПСВ і «Бругэ» для гэтага трэба не прайграць «Ліверпулю» і «Ман Сіці» адпаведна;

• «Бенфіке» і «Спортынгу» – перамагчы «Ювентус» і «Балонню» адпаведна;

• «Штутгарту» ці «ПСЖ» выйграць у вочным матчы.

«Ман Сіці» і «Дынама» Заграб трэба дзве ўмовы, каб не аглядацца на дадатковыя паказчыкі: уласная перамога над «Бругэ» і «Міланам».

Што кажуць камп’ютарныя сімуляцыі

Арыентыр, які дапамагаў цягам усяго сезона, – сімуляцыі Football Meets Data па рэйтынгу Elo клубаў.

Там на аснове 10 тысяч сімуляцый пасля 7-га тура прагназуюць наступную фінальную табліцу:

З цікавага:

• шанец Данецку выйсці ў плэй-оф - 0,1%;

• хоць ПСВ матэматычна не гарантаваў сабе плэй-оф, трапляў туды ва ўсіх 10 тысячах сімуляцый;

• «Арсенал» фінішаваў у топ-8 у 9999 з 10000 сімуляцый;

• толькі «Бругэ» і «Дынама» Заграб у сімуляцыях не выходзілі ў плэй-оф з 11 пунктамі.

***

Нагадаем, што ўсе матчы 8-га тура пачнуцца адначасова – 29 студзеня ў 23:00.

Фота: «Манчэстэр Сіці»

Інфаграфіка: fmeetsdata