Як выглядае сетка плэй-оф ЛЧ: «Ман Сіці» згуляе з «Рэалам» або «Баварыяй ужо ў 1/16-й!

Новы фармат Лігі чэмпіёнаў асаблівы яшчэ і тым, што цяпер загадзя вядомы хаця б папярэдні магчымы від сеткі плэй-оф.

Агульнае становішча пасля завяршэння асноўнай стадыі выглядае наступным чынам:

Максімальна кароткае тлумачэнне, у пятніцу адбудзецца лёсаванне сярод сеяных/несеяных, дзе будуць вызначацца пары ў чацвёрках, размешчаных злева (фактычна раунд 1/16 фіналу).

З найболш цікавага, што мы можам убачыць на гэтай стадыі:

📌 У першай чацвёрцы сапраўды будзе французскае дэрбі, але шыльда «ПСЖ» – «Манака» выглядае цікавейшай, чым «ПСЖ» – «Брэст».

📌 У другім квартэце без асаблівых інтрыг.

📌 Трэці – самы цікавы. Там «Манчэстэр Сіці» трапіць альбо на «Рэал», альбо на «Баварыю». Мадрыдцам ці мюнхенцам павязе згуляць з «Селтыкам».

📌 З апошняй чацвёркі вылучаецца варыянт з італьянскім і нідэрландскім супрацьстаяннямі – калі «Ювентусу» выцягнуць «Мілан», а «Феенорду» – ПСВ.

***

Што да наступных раўндаў, то ўсё будзе адбывацца згодна з новымі сфармаванымі чацвёркамі.

Канстатуем наступнае – «Рэал», «Баварыя» і «Сіці» не змогуць перасекчыся з «Ліверпулем» або «Барселонай» аж да паўфіналу.

Калі ж усё гэта будзе адбывацца? Вось запланаваныя даты ўсіх стадый плэй-оф ЛЧ:

🔹 1/16 фіналу – 11/12 (першыя матчы) і 18/19 (другія) лютага;

🔹 1/8 фіналу – 4/5 і 11/12 сакавіка;

🔹 1/4 фіналу – 8/9 і 15/16 красавіка;

🔹 1/2 фіналу – 29/30 красавіка і 6/7 траўня;

🔹 фінал – 31 траўня на «Альянц Арэне» ў Мюнхене.

***

Фота: інфаграфіка Tribuna.com, Anthony Stanley/WENN