😂 Холанду смачна адпомсцілі ў Лондане: святкавалі ў твар, скралі жэст, прасілі падаць буцу
Stay humble, eh.
«Арсенал» не проста дома знішчыў «Манчэстэр Сіці» 5:1, а змог адпомсціць асабіста Эрлінгу Холанду – бакі «канфлікту» выдалі сапраўднае шоу пасля першай часткі, якая была ў восеньскім матчы.
Тады нарвежац знатна пакуражыўся:
З галоўнага – кінуў мяч у галаву Габрыэлу, калі святкаваў выратавальны гол (2:2) на 90+.
А таксама ўступіў у пасляматчавую сутычку, падчас якой сказаў Мікелю Артэце легендарнае stay humble (будзь сціплым) – гэтай фразай ужо ахрысцілі новае дэрбі.
***
Нагадваць Холанду пра яго паводзіны пачалі на самым старце – «Арсенал» забіў на 2-й хвіліне, а Габрыэл, які абяцаў адпомсціць у цэнтры поля, паказальна адсвяткаваў гол перад тварам Эрлінга.
Нападнік ніяк не адрэагаваў:
Тым часам на трыбунах з'яўляліся банеры, накіраваныя ў адрас форварда:
Плюс у Эрлінга зусім не атрымаўся першы тайм – усяго 6 дотыкаў, 3 пасы, нуль удараў, 0/2 выйграных адзінаборстваў.
На другі тайм ён выходзіў відавочна незадаволеным:
Аднак змог часткова адказаць супернікам – забіў, цалкам абгуляўшы Саліба ў паветры.
Холанд адразу пабег пафасна святкаваць...
…але не ведаў, што яго чакае далей. Спачатку «Арсенал» забіў трэці праз хвіліну пасля прапушчанага, а камера зноў злавілі Эрлінга.
Яшчэ некалькі хвілін – і кульмінацыя.
Увосень Холанд паспеў зачапіць юнага Люіса-Скелі – падчас той жа сутычкі спытаў у яго: «Хто ты такі, #####?».
Гэтым разам 18-гадовы Майлз прыгожа паказаў, хто ён – зрабіў лік 3:1 і адсвяткаваў фірмовым жэстам нарвежца!
Але і гэта не канец. Габрыэл вырашыў да канца троліць Холанда, папрасіўшы падаць яму буцу пасля аднаго з адзінаборстваў.
Іронія і драматургія зашкальвае!
Вынік усяго дзеяння – скандаванне «stay humble» трыбунамі «Эмірэйтс».
У рэшце, на стадыёне яшчэ і ўключылі трэк Кендрыка Ламара «Humble».
Фота: скрыншоты трансляцыі Setanta
Іншыя пасты карыстальніка
