Самыя цікавыя трансферы дэдлайну: у «Сіці» навічок за 60 млн, «Тотэнхэм» арандаваў Тэля

3 лютага ў большасці еўрапейскіх ліг закрываецца зімовае трансфернае акно. Tribuna.com фіксуе самыя цікавыя пераходы.

***

✅ Ніка Гансалес

«Порту» → «Манчэстэр Сіці»

Сума трансферу: 60 млн еўра

Паўабаронца падпісаў з «гараджанамі» кантракт да 2029 года. «Барселоне», якая прадала Ніка за 8,4 млн еўра ў 2024 годзе, належыць 40% прыбытку ад перапродажу. У гэтым сезоне Гансалес правёў 17 матчаў у чэмпіянаце Партугаліі, забіў 5 мячоў і зрабіў 3 рэзультатыўныя перадачы.

✅ Маціс Тэль

«Баварыя» → «Тотэнхэм»

Арэнда

19-гадовы вінгер арандаваны лонданскім клубам да канца сезона з опцыяй выкупу. Ён будзе выступаць пад 11-м нумарам. Клуб АПЛ зможа выкупіць гульца ўлетку за 60 млн. еўра.

✅ Аксель Дысасі

«Чэлсі» → «Астан Віла»

Арэнда

«Астан Віла» выплаціць 5 мільёнаў фунтаў за арэнду гульца, а таксама возьме на сябе абавязацельства па яго зарплаце. У гэтым сезоне Дысасі згуляў 6 матчаў у АПЛ, забіў 1 мяч.

✅ Нікола Фаджолі

«Ювентус» → «Фіярэнціна»

Арэнда

«Фіярэнціна» выплаціць 2,5 млн еўра «Ювентусу» за арэнду футбаліста. Таксама ў клуба ёсць опцыя выкупу італьянца за 13,5 мільёнаў еўра плюс 3 мільёны ў якасці бонусаў.

✅ Крысціяна Бірагі

«Фіярэнціна» → «Тарына»

Арэнда

Турынскі клуб мае магчымасць выкупіць гульца пасля завяршэння сезона.

✅ Насер Джыга

«Црвена Звезда» → «Вулверхэмптан»

Сума трансферу: 12 млн еўра

22-гадовы абаронца падпісаў кантракт да 2030-га.

✅ Элі-Жуніяр Крупі

«Лар'ян» → «Борнмут»

Сума трансферу: 12 млн еўра

Футбаліст працягне гуляць за французскі клуб на правах арэнды да завяршэння сезона. На сёння Крупі з'яўляецца найлепшым бамбардзірам «Лар'яна», забіўшы 9 мячоў і зрабіўшы 2 перадачы ў 17 матчах Лігі 2.

✅ Рыкарда Сатыль

«Фіярэнціна» → «Мілан»

Арэнда

Міланцы арандавалі 25-гадовага паўабаронцу з опцыяй выкупу. Сатыль атрымаў 99-ы ​​нумар у новым клубе. «Мілан» мае права выкупіць футбаліста за 10 мільёнаў еўра.

✅ Бэн Чылуэл

«Чэлсі» → «Крыстал Пэлас»

Арэнда

Клубы дамовіліся пра арэнду 28-гадовага футбаліста. Па ўмовах пагаднення Чылуэл будзе выступаць за «Пэлас» да заканчэння сезона.

✅ Уорэн Бонда

«Монца» → «Мілан»

Сума трансферу: 10 млн еўра

Кантракт з французскім хаўбекам падпісаны да 30 чэрвеня 2029 года, ён будзе выступаць пад 38-м нумарам.

✅ Ісмаэль Бенасэр

«Мілан» → «Марсель»

Арэнда

27-гадовы гулец арандаваны да канца сезона. У французскага клуба ёсць опцыя выкупу алжырца за 12 млн. еўра і 3 млн. бонусаў.

✅ Ноа Акафар

«Мілан» → «Напалі»

Арэнда

Неапалітанцы заплацяць за арэнду вінгера 1,5 млн. еўра. Прадугледжаная опцыя выкупу швейцарца за 23,5 млн. еўра.

✅ Брума

«Брага» → «Бенфіка»

Сума трансферу: 6 млн еўра

30-гадовы экс-гулец зборнай Партугаліі стаў партнёрам украінца Трубіна.

✅ Мішы Батшуаі

«Галатасарай» → «Айнтрахт»

Сума трансферу: 3 млн еўра

Форвард забіў 7 мячоў за турэцкі гранд, але з прыходам Мараты ў яго б зменшыўся гульнявы час. Таму бельгіец прыняў прапанову з Германіі.

✅ Адам Азну

«Баварыя» → «Вальядалід»

Арэнда

18-гадовы левы абаронца згуляў 3 матчы за першую каманду «Баварыі» ў Бундэслізе і ЛЧ, але сезон будзе дагульваць ужо ў Ла Лізе.

✅ Лойд Кэлі

«Ньюкасл» → «Ювентус»

Арэнда

Турынцы арандавалі англійскага абаронцу за 3 млн. еўра. Ён так і не стаў асноўным у «Ньюкасле» пасля пераходу ўлетку на правах вольнага агента.

✅ Келечы Іхеанача

«Севілья» → «Мідлзбра»

Арэнда

У нігерыйца не пайшло ў Іспаніі, нуль галоў у першай палове сезона. Другую адгуляе ў Чэмпіёншыпе.

✅ Кэрні Чуквуэмека

«Чэлсі» → «Барусія» Д

Арэнда

21-гадовы цэнтральны паўабаронца дагуляе сезон у Бундэслізе. За лонданцаў у розыгрышы 2024/25 ён правёў усяго 5 матчаў, але ніводнага ў АПЛ.

✅ Марка Асэнсіа

«ПСЖ» → «Астан Віла»

Арэнда

Іспанец пачаў часцей трапляць на лаву запасных, таму быў вымушаны шукаць новы клуб зімой. Едзе ў АПЛ на правах арэнды.

✅ Хуан Бернат

«Вільярэал» → «Хетафе»

Арэнда

Былы абаронца «Баварыі» і «ПСЖ» правёў усяго 12 матчаў за «Вільярэал» у гэтым сезоне. Застаецца ў Ла Лізе, але цяпер будзе гуляць за «Хетафе».

✅ Андрэа Белоці

«Кома» → «Бенфіка»

Арэнда

Некалькі нечаканы трансфер італьянскага форварда ў партугальскі гранд. У першай палове сезона Белоці забіў усяго 2 мячы за «Кома».

✅ Дыянт Рамай

«Аякс» → «Барусія» Д

Сума трансферу: 5 млн еўра

З брамнікам заключаны кантракт на 4,5 года. Ён адразу адпраўляецца ў арэнду ў «Капенгаген».

✅ Альвара Марата

«Мілан» → «Галатасарай»

Арэнда

Іспанец усё ж такі пакінуў Італію. Цяпер паспрабуе свае сілы па-за топ-лігамі. Форвард арандаваны да 20 студзеня 2026 года за 6 млн. еўра. Плацяжы будуць праведзеныя ў два этапы. Таксама ў «Галатасарая» будзе права выкупу нападніка за 8 млн еўра, крайні тэрмін – 15 студзеня 2026 года.

✅ Шэр Ндур

«ПСЖ» → «Фіярэнціна»

Сума трансферу: 10 млн еўра

Першую палову сезона паўабаронца правёў у арэндзе ў «Бешыкташы», але цяпер будзе гуляць за «фіялак». Гэта паўнавартасны трансфер, на якім зарабіў «ПСЖ».

✅ Нікола Дзаніёла

«Галатасарай» → «Фіярэнціна»

Арэнда

Першую палову сезона паўабаронца правёў у складзе «Аталанты» (таксама была арэнда), дзе зрабііў 3+3 у 23 матчах ва ўсіх турнірах. Новае арэнднае пагадненне разлічана да канца сезона.

✅ Давідэ Калабрыя

«Мілан» → «Балоння»

Арэнда

28-гадовы італьянец будзе гуляць за «Балонню» да канца сезона, а кантракт футбаліста з «расанеры» разлічаны да 30 чэрвеня 2025-га. Калабрыя з'яўляецца выхаванцам «Мілана», ён правёў у клубе ўсю кар'еру. У гэтым сезоне Давідэ згуляў 14 матчаў, забіў 1 мяч.

✅ Штэфан Пош

«Балоння» → «Аталанта»

Арэнда

Пагадненне разлічанае да 30 чэрвеня 2025 года і прадугледжвае опцыю выкупу кантракта. Навічок будзе гуляць пад 5-м нумарам. 27-гадовы аўстрыйскі абаронца ў бягучым сезоне правёў 20 матчаў за «Балонню» ва ўсіх турнірах.

✅ Сант'яга Хіменэс

«Феенорд» → «Мілан»

Сума трансферу: 32,5 млн. еўра

Міланцы купілі бамбардзіра ў свайго суперніка па 1/16 ЛЧ. У гэтым сезоне ў яго 16 галоў у 19 матчах. Узяў нумар 7.

✅ Эван Фергюсан

«Брайтан» → «Вэст Хэм»

Арэнда

Пагадненне да канца сезона. У гэтым розыгрышы перспектыўны нападаючы забіў усяго адзін мяч у АПЛ.

✅ Маркус Рэшфард

«МЮ» → «Астан Віла»

Арэнда

Маркус пакінуў Манчэстэр, цяпер будзе гуляць у ЛЧ пад нумарам 9 за бірмінгемцаў, але на правах арэнды.

✅ Стэфанас Цымас

«Нюрнбэрг» → «Брайтан»

Сума трансферу: 25 млн еўра

Англійскі клуб аб'явіў пра падпісанне 19-гадовага нападніка. Бакі заключылі кантракт да 2030 года. Грэк застанецца ў «Нюрнбергу» да канца гэтага сезона. Гульцом цікавіўся «Ліверпуль». У цяперашнім сезоне 2-й Бундэслігі Стэфанас правёў 17 матчаў і забіў 10 мячоў, ён найлепшы бамбардзір каманды.

✅ Коста Нядзелькавіч

«Астан Віла» → «Лейпцыг»

Арэнда

Паўнавартасны трансфер абаронцы абыдзецца «Лейпцыгу» 15 мільёнаў еўра з улікам бонусаў, калі будзе прынятае рашэнне пра выкуп. У бягучым сезоне АПЛ Нядзелькавіч правёў 5 матчаў.

✅ Даніэль Свенсан

«Нардшэланд» → «Барусія»

Арэнда

Арэнда з правам выкупу. Левы абаронца атрымае ў нямецкім клубе нумар 24.

✅ Патрык Доргу

«Лечэ» → «МЮ»

Сума трансферу: 30 млн еўра

20-гадовы датчанін можа згуляць на абодвух флангах паўабароны і на пазіцыі левага абаронцы. Кантракт Патрыка разлічаны да чэрвеня-2030 з магчымасцю падаўжэння яшчэ на год.

✅ Кевін Данса

«Ланс» → «Тотэнхэм»

Арэнда

Арэнда да канца сезона, але лонданцы выкупяць яго ўлетку. Раней паведамлялася, што трансфер гульца будзе каштаваць 25 млн еўра. У «Тотэнхэме» абаронца будзе выступаць пад нумарам 4.

✅ Артур

«Ювентус» → «Жырона»

Арэнда

Опцыя выкупу не прадугледжана. Турынцы атрымаюць за арэнду 700 тысяч еўра.

✅ Андрэ Сілва

«Лейпцыг» → «Вердэр»

Арэнда

Партугалец будзе гуляць у арэндзе да канца сезона. У гэтым розыгрышы ў складзе «Лейпцыга» ён меў 1+3 у 15 матчах.