Феерычны камбэк «Рэала» у адказ на тролінг Вінісіуса ад фанатаў «Ман Сіці» – з галамі на 86-й і 92-й
«ПСЖ» і «Дортмунд» адной нагой у 1/8-й.
Стадыя стыкавых матчаў на вылет ЛЧ пачалася – у тым ліку з цэнтральнага супрацьстаяння раўнда паміж «Манчэстэр Сіці» і «Рэалам».
Расказваем пра самае цікавае.
«Рэал» камбэкнуў супраць «Сіці» у канцы матча – хоць прайграваў да 86-й
«Ман Сіці» 2:3 «Рэал»
Супрацьстаянне стала запальным ужо на самым яго пачатку дзякуючы банэру фанатаў гаспадароў з адсыланнем на песню гурта Oasis – Stop Crying Your Heart Out. «Кінь так горка плакаць», – мэсэдж Вінісіусу быў больш чым выразным.
«Рэал» меў некалькі класных шанцаў на старце – але ні Мбапэ, ні Мендзі, ні Вінісіус іх не рэалізавалі.
А «Сіці» адзін з першых сваіх момантаў рэалізаваў. Джэк Грыліш закінуў мяч у штрафную, Ёшка Гвардыёл скінуў на Эрлінга Холанда – той упершыню ў кар'еры забіў «Рэалу».
Мяч доўга правяралі на прадмет афсайда, аднак лічаныя сантыметры ўратавалі для Эрлінга легальнасць гола.
«Рэал» працягнуў шукаць адказ – на 25-й хвіліне Вінісіус, напрыклад, патрапіў у перакладзіну.
Зрэшты, на старце другога тайма ў папярэчыну зарадзіў і Холанд.
«Сіці» меў і іншыя шанцы – аднак Куртуа, як у моманце Фодэна на 35-й, ратаваў.
«Рэал» усё ж змог зраўняць – дзякуючы стандарту на 60-й: першасны ўдар мадрыдцаў адбіў лежучы Бернарду Силва, аднак Себальёс падабраў мяч і закінуў на Мбапэ. А той скруціўся ў палёце роўна такім чынам, каб закінуць мяч у вароты.
Афсайда Кіліян таксама пазбег.
На 79-й арбітр Клеман Цюрпен наогул прызначыў пенальці ў вароты «Рэала» – за фол Дані Себальёса супраць Фодэна. 11-метровы спрэчны – парушэнне, здаецца, адбылося да мяжы штрафной.
Аднак VAR яго пацвердзіў, а Холанд рэалізаваў.
Зрэшты, замена Анчалоці на 84-й спрацавала На 86-й «Сіці» прапусціў другі раз – гэта экс-гулец манчэстэрскага клуба Браім Дыяс класна згуляў на дабіванні.
А на 86-й «Рэал» наогул аформіў камбэк: Віні, перакінуўшы Эдэрсана, асіставаў на Белінгема – таму засталося адправіць мяч у вароты.
«ПСЖ» упэўнена выйграў французскае супрацьстаянне – у «Брэста» шанцаў мінімум
У раннім слоце дня адбылося «французскае дэрбі» – «Брэст» у Генгаме (родны стадыён не адпавядае патрабаванням ЛЧ) прымаў «ПСЖ».
Парыжане даволі лёгка разабраліся:
• на 21-й Віцінья рэалізаваў пенальці за даволі відавочную гульню рукой;
• на 45-й Усман Дэмбеле падвоіў перавагу, класна ссунуўшыся ў цэнтр і прабіўшы з-пад абаронцы;
• на 66-й Дэмбеле завяршыў свой чарговы класны матч дублем – падхапіў мяч у штрафной «Брэста» і перакінуў абаронцу суперніка.
Магло быць і 4:0 – але на 50-й хвіліне гол Дуэ не залічылі праз афсайд.
«Дортмунд» разабраў «Спортынг» – партугальцы таксама, падобна, аўт
«Спортынг» 0:3 «Дортмунд»
«Барусія» ідэнтычна разабралася са сваім супернікам на выездзе – але ўсе тры галы забіла ў другім тайме:
• на 60-й хвіліне Сержу Гірасі адкрыў лік – 10-ы забіты мяч для яго ў ЛЧ;
• на 68-й падвоіў перавагу Паскаль Грос – каленам;
• на 82-й Адэеме завяршыў разагнаную ім жа контратаку.
«Юве» абгуляў ПСВ – гола адроджанага Перышыча нідэрландцам не хапіла
«Юве» Тыяга Моты ўжо другі раз у сезоне абгуляў ПСВ – праўда, гэтым разам насуха вароты не ўдалося зберагчы.
На 34-й хвіліне Вестан Макені адкрыў лік – моцна прабіў на дабіванні.
На 56-й ПСВ зраўняў сіламі Івана Перышыча, якога клуб змог нарэшце дазаявіць на ЛЧ. 36-гадовы паўабаронца прыняў мяч і лёгка абгуляў абаронцу.
Зрэшты, на 82-й «Юве» вырваў перамогу: 21-гадовы Семуэль Мбангула, які выйшаў на другі тайм, таксама ўдала згуляў на дабіванні.
Фота: скрыншоты трансляцыі, realmadrid
Іншыя пасты карыстальніка
