«Крумкачы» прыбралі крумкача з лагатыпа – навошта?
Добрая ініцыятыва з міжнароднага футбола.
3 сакавіка футбольны клуб «Крумкачы» ў сацсетках апублікаваў фота, на якім з клубнага лагатыпа знік сымбаль каманды – крумкач. Навошта гэта зрабілі?
Справа ў тым, што ў гэты дзень святкуецца Міжнародны дзень дзікай прырода, мэта якога прыцягнуць увагу скарачэння колькасці шэрагу відаў жывёл.
– Захавайма крумкачоў ды не толькі! Сёння адзначаецца Сусветны дзень дзікай прыроды. Гэта добрая нагода звярнуць увагу на разнастайнасць і прыгажосць дзікай флоры і фаўны.
Клапаціцеся аб прыродзе, каб яна працягвала квітнець і для будучых пакаленняў, – напісала прэс-служба «Крумкачоў».
Першым у, на жаль, непапулярным чэленджы паўдзельнічаў англійскі «Брысталь Сіці» з чэмпіёншыпа. Гэты клуб прыбраў са свайго лога птушку заранку (ці малінаўку) – сымбаль каманды і горада.
А некалькі год таму жывёлы знікалі з эмблем клубаў АПЛ: «Вулвз» прыбіралі ваўка, «Астан Віла» пазбавілася ільва, «Вэст Бромвіч» – дразда.
Без жывёл і сапраўды ў жыцці пустэча.
Іншыя пасты карыстальніка
