Клуб з польскага Д2, які зімой не змог заявіць Садоўскага, паехаў на выезд з 14 гульцамі – адыграліся з 0:2, выпусціўшы ў поле брамніка
Адабралі ачкі ў прэтэндэнта на павышэнне.
Усевалад Садоўскі гэтай зімой быў блізкі да падпісання кантракта з «Котвіцай» Калабжэг з польскага Д2. 28-гадовы форвард паспяхова прайшоў прагляд, трэнерскі штаб бачыў у ім гульца асновы, але не склалася – на клуб наклалі забарону на рэгістрацыю новых футбалістаў праз даўгі перад старымі.
Цяпер Садоўскі знаходзіцца ў пошуках новага месца працы, а «Котвіца» гуляе тымі, хто застаўся. У апошнім матчы чэмпіянату клуб з Калабжэга гуляў на выездзе з варшаўскай «Палоніяй». У заяўцы каманды было ўсяго 14 чалавек.
Здавалася, што «Палонія», якая прэтэндуе на павышэнні ў класе, без цяжкасці забярэ тры ачкі. Пасля першага тайма варшавяне вялі 2:0. Аднак у другой палове сустрэчы «Котвіцы» ўдалося адыграцца – зраўнялі лік на 90+7-й!
Цікава, што на 82-й хвіліне «Котвіца» выпусціла ў поле намінальнага галкіпера Кацпера Кжэпіча – выйшаў замест левага вінгера Міхала Ласека, сумарна правёў на полі 17 хвілін, адзін раз сустрэўся з мячом, дапусціў адну страту. Порта Sofascore паставіў яму адзнаку 6,4 – вышэй, чым у шасці партнёраў!
Пасля 23 матчаў «Котвіца» ідзе на 14-м месцы ў польскім Д2 – па дадатковых паказчыках апярэджваюць «Варту» і «Одру». Апошняя знаходзіцца ў зоне вылету. Палонія, пасля нічыёй з «Котвіцай» апусцілася на сёмае месца – каманды з трэцяй па шостую пазіцыю гуляюць плей-оф за выхад у Экстракласу.
Іншыя пасты карыстальніка
