Томас Мюлер развітаўся з фанатамі «Баварыі» анекдотам пра пахаванне бацькі. Смешна?
Заўзятары дык ацанілі.
«Баварыя» заваявала чэмпіёнства і адсвяткавала разам са сваімі фанатамі на хатняй арэне.
Апошні дамашні матч з «Барусіяй» Мёнхенгладбах стаў апошнім для легендарнага Томаса Мюлера за мюнхенскі клуб.
Паўабаронца развітаўся з фанатамі чорным анекдотам, распавёўшы яго запоўненаму стадыёну.
«Стары бацька памірае. Побач з ім стаяць тры сыны, мужчына звяртаецца да старэйшага. Ледзь чутна кажа:
– Сын мой, я адчуваю пах таго выдатнага пірага, які твая маці гатуе на свята. Ідзі і папрасі ў яе кавалачак для мяне, гэта маё апошняе жаданне.
Сын сыходзіць і праз некаторы час вяртаецца з пустымі рукамі.
– А дзе ж пірог? – пытаецца той, хто памірае.
– Маці перадала, – адказвае сын са слязамі на вачах, – што гэты пірог мы будзем есці на тваім пахаванні».
Жарт ад Мюлера фанаты, відавочна, ацанілі, мяркуючы па смеху.
А як вам анекдот?
Іншыя пасты карыстальніка
