Падпісантка прарэжымнага ліста Салас пра бан: «Не спадзяемся ні на што добрае. Хочацца паказаць свае сілы на міжнароднай арэне»
Гімнастка зборнай Беларусі, ураджэнка Барнаула Анастасія Салас падзялілася меркаваннем пра нядопуск да міжнародных спаборніцтваў.
Раней міжнародная федэрацыя гімнастыкі працягнула бан для беларусаў і расіян.
Нагадаем, 21-гадовая спартсменка з'яўляецца падпісанткай прарэжымнага ліста спартсменаў.
– На самай справе, мы не спадзяемся ні на што добрае. Выдатна разумелі, што такое можа быць і не хацелі лішні раз хвалявацца.
Таму прынялі гэтую інфармацыю нейтральна, быццам тут нічога дзіўнага. Вядома, крыўдна.
Хочацца паказаць свае сілы на міжнароднай арэне. У 2024 годзе ў нас ёсць адборы да чэмпіянату свету, але там можна будзе атрымаць толькі адну ліцэнзію, якая будзе імяннай, – сказала Салас.
Нагадаем, у адказ на вайну, якая з 24 лютага 2022-га працягваецца Расіяй ва Украіне з выкарыстаннем тэрыторыі Беларусі, МАК 28 лютага 2022-га апублікаваў рэкамендацыю адхіліць прадстаўнікоў Расіі і Беларусі ад міжнародных спаборніцтваў, як i зрабiла большасць сусветных федэрацый па відах спорту.
28 сакавіка 2023-га МАК абвясцiў, што з гэтага моманту рэкамендуе дапускаць да міжнародных спаборніцтваў беларускіх і расійскіх індывідуальных атлетаў у нейтральным статусе, калі такія спартсмены не дапускалі «актыўнай падтрымкі» вайны ва Украіне, а таксама не маюць кантракта з ваеннымі або сілавымі ведамствамі Беларусі ці Расіі.