Аляксандр Каршакевіч: «У зборнай Беларусі ёсць свой почырк і нераскрыты патэнцыял. Я б не сказаў, што мы так ужо моцна адсталі ад лепшых камандаў Еўропы»

Чэмпіён Алімпійскіх гульняў і экс-гулец мінскага СКА Аляксандр Каршакевіч падзяліўся меркаваннем аб узроўні гульні зборнай Беларусі.

- Па-вашаму, гульнявы ўзровень нацыянальнай зборнай Беларусі сённяшняга ўзору моцна адстае ад класа вядучых гандбольных калектываў Старога Свету?

- Я б не сказаў, што мы так ужо моцна адсталі ад лепшых зборных Еўропы. Так, сёння ёсць аб'ектыўныя прычыны, з-за якіх падапечныя Юрыя Шаўцова не маюць магчымасці паўнацэнна спаборнічаць з топ-дружынамі. Мусіць, таму, цяпер роля фаварытаў прыналежыць гульцам, якія выступаюць у вядомых еўрапейскіх клубах. У гэтым шэрагу – Арцём Каралёк, Мікіта Вайлупаў, Уладзіслаў Кулеш. Лічу, што ў нашай нацыянальнай каманды ёсць свой почырк і нераскрыты патэнцыял. Магу сказаць, што айчынны ручны мяч на ўсіх этапах развіваецца на годным узроўні. У многім таму, што ля руля Беларускай федэрацыі гандбола знаходзіцца такі аўтарытэтны чалавек, як Уладзімір Мікалаевіч Канаплёў, - сказаў Каршакевіч