Трэнер жаночай зборнай Беларусі Пяўніцкі: «Шмат гадоў адчуваецца відавочны недахоп маладых спартсменак»
Галоўны трэнер жаночай зборнай Беларусі Валерый Пяўніцкі расказаў пра праблемы ў інстытуце жаночых зборных краіны.
– Ужо шмат гадоў у сістэме жаночых зборных мы адчуваем відавочны недахоп маладых спартсменак.
Галоўнай праблемай тут лічу тое, што сыходзяць са спорту ўсе дзеці з рэгіёнаў. У абласных цэнтрах яны яшчэ неяк затрымліваюцца, у раённых цэнтрах яны скончылі 9 класаў і з'язджаюць вучыцца ў іншыя гарады.
Гэта галоўная праблема пры пераходзе з дзіцячага ў юнацкі гандбол.
8 гадоў таму ў нас у краіне прайшла аптымізацыя сістэмы падрыхтоўкі спартсменаў.
Мы прыйшлі да таго, што ў нас уся моладзевая каманда базіруецца ў Рэспубліканскім вучылішчы алімпійскага рэзерву. Іх 16 чалавек – гэта адзіныя прадстаўнікі зборнай па ўзросту.
На выхадзе з вучылішча з гэтых 16 чалавек, жывых застаецца ў найлепшым выпадку 10. І з іх нам нейкім чынам трэба сфарміраваць моладзевую зборную, а таксама папаўняць нацыянальную каманду талентамі.
Таму зноў уздымаецца пытанне адкрыцця аддзяленняў у абласных УАР. Пакуль зварот федэрацыі ў гэтым пытанні не знаходзіць водгуку. Думаю, у першую чаргу, з-за фінансавых магчымасцяў, – сказаў Пяўніцкі.
