Уладзімір Канаплёў: «Амаль усе беларускія гандбалісты за мяжой гуляюць за 2-3 тысячы долараў, вярнуліся б на заробкі, як у «Мяшкове», але ва USD»
Кіраўнік беларускай федэрацыі гандбола Уладзімір Канаплёў пракаментаваў становішча «Мяшкоў Брэст».
– У чым сіла Брэста?
– Сіла Брэста ў многіх якасцях.
Па-першае, гэта прыватны клуб – ён спансуецца [расійскай нафтагазавай дзяржкарпарацыяй] «Газпрамам». А канкрэтна [дарадцам старшыні праўлення «Газпрама», кіраўніком назіральнай рады «дачкі» «Газпрам трансгаз Беларусь»] Аляксандрам Мяшковым, ён з’яўляецца гаспадаром каманды.
Грашовы фактар -- не самы апошні. Калі б у [гульцоў] мінскага СКА і іншых нашых каманд былі такія ж заработныя платы, і ва УСД (USD – абазначэнне амерыканскага долара – Tribuna.com), а не ў беларускіх рублях, то з 55 ці 57 гульцоў, якія ў нас гуляюць за мяжой, 90% вярнуліся б назад сюды. Таму што ўсе гуляюць за заробкі ад 2 да 3 тысяч долараў, як правіла, і толькі зусім кропкава – якія больш.
Фінансавы фактар – раз. Падбор гульцоў – два. І, канешне, тая праца, якая праводзіцца трэнерскім складам, – тры, – сказаў Канаплёў.
