Вайлупаў – пра сустрэчу з прэзідэнтам ЕГФ: «Не пасаромеўся і спытаў, калі Беларусь вернуць на міжнародную арэну. І за «Мяшкоў Брэст» спытаў»

Беларускі гандбаліст «Веспрэма» (Венгрыя, Д1) Мікіта Вайлупаў распавёў пра сваю сустрэчу з прэзідэнтам ЕГФ Міхаэлем Відэрэрам.

– Пасля гульні ў мяне атрымалася яго злавіць на пару слоў. Я з ім паразмаўляў, таму што мне вельмі балюча ад таго, што мы нідзе не гуляем. Маю на ўвазе Беларусь на міжнароднай арэне.

І гэта адзін з нямногіх людзей, якія могуць даць мне адказы. Я не пасаромеўся да яго падысці, пацікавіцца: «Калі ў вас ёсць пару хвілін, хацелася б атрымаць адказы. Бо я прадстаўнік сваёй краіны, мне хацелася б даведацца, як увогуле ідуць справы».

Кажу, ці магчыма разлічваць [на вяртанне], мне ўжо амаль 30, і хацелася б папыліць на міжнароднай арэне, прадстаўляць сваю краіну, пагуляць з хлопцамі, пабіцца з мацнейшымі.

І за «Мяшкоў Брэст» таксама спытаў. Кажу, што каманда вельмі добрая, гуляла ў Лізе чэмпіёнаў. І Парыж абыгрывала, і «Кіль», і з «Барселонай» на роўных.

Кажу: «Як справы ідуць наконт допуску і зборнай, і клубаў на міжнароднай арэне?» Ён сказаў, што ў чэрвені яны будуць збіраць функцыянераў, будуць абмяркоўваць гэтае пытанне.

Так ці не – ён не адказаў. Але сказаў, што ёсць пазітыўная дынаміка. Пакуль адказаў ён мне даць не можа, таму што там шмат складальнікаў. Я сказаў: «Тады чакаем». І ўсё, неяк так, – сказаў Вайлупаў.

Нагадаем, што шматлiкія беларускія каманды і спартсмены былі адхіленыя ад міжнародных спаборніцтваў у адказ на вайну, якая з 24 лютага 2022 года працягваецца Расiяй ва Украіне з выкарыстаннем тэрыторыі Беларусі.