Папруга пра працу ў кітайскім гандболе: «Было карысна і нясумна. Але пара пераключацца на родны гандбол»
Галоўны трэнер жаночай зборнай Беларусі па гандболе Ігар Папруга распавёў аб працы з кітайскімі камандамі.
– Не шкада было спыняць супрацоўніцтва з «Буслом Кітая» і кітайскімі зборнымі?
– Напэўна, узаемнае шкадаванне ёсць. Гэта быў не вельмі доўгі, але вельмі цікавы і пазітыўны вопыт. У нейкай меры – рызыкоўны і не максімальна ўзважаны.
Можна было праваліцца, разгубіць аўтарытэт. Як ні круці, Кітайскі гандбол – гэта іншыя прынцыпы камплектавання, іншыя падыходы да трэніровачнага працэсу, своеасаблівы менталітэт. Па юнаках і юніёрах кітайцы наогул нідзе не выступалі, практычна ўсе ўпершыню выязджалі за мяжу. Некалькі месяцаў працы з тымі ж 20-гадовымі і маладзей хлопцамі – гэта, вядома, вельмі мала. Але прагрэс быў відавочны. Некаторыя гульні магу назваць сапраўды добрымі.
Мне было карысна і нясумна. Але пара пераключацца на родны гандбол. Цяпер жаночы, – сказаў Папруга.
