Пераможны гол Каралька ў ЛЧ – проста топ: iмгненна зарыентаваўся ў цэйтноце i закiнуў з цэнтра пляцоўкi
Беларускi гандбалiст запалiў як след.
17 кастрычніка польскiя «Кельцы» беларускага гандбалiста Арцёма Каралька на выездзе сустракаліся з нарвежскім «Кальстадам». За 15 секунд да фінальнай сірэны госці вялі ў адзін мяч. Нарвежцы знялі варатара – і за сем секунд да канца здолелі лік зраўняць.
Але Каралёк iмгненна зарыентаваўся – паглядзеў на брамнiка сваёй каманды Мiлаша Валаха i рвануў на цэнтр пляцоўкi. Валах хутка дастаў мяч з сеткi i шпурнуў на Каралька – і той з сярэдзіны поля адразу ж кінуў мiма гульцоў супернiка ў вароты, куды нiяк не паспяваў вярнуцца галкіпер. 33:32 – i тры секунды да канца матча, за якiя «Кальстад» не паспеў ужо нiчога. А Каралёк аказаўся ў абдымках партнёраў.
Гол беларускага лінейнага ўвайшоў у топ-5 найлепшых у 5-м туры. А яшчэ Каралёк правёў свой самы выніковы матч у бягучым розыгрышы ЛЧ – «Кальстаду» ён закінуў 5 мячоў.
«Я пабег на круг, каб хутка развесці, i ўбачыў, што вароты пустыя. Я не хацеў кідаць мяч праз верх, таму што ён мог ляцець занадта доўга, мне прыйшлося кінуць яго як мага мацней. Добра, што ўсё так скончылася», – сказаў пасля гандбалiст.
Іншыя пасты карыстальніка
