Спарынгі паміж расіянамі і беларусамі бываюць не вельмі сяброўскімі – толькі гляньце на тузаніну гандбалістаў
А яшчэ там быў майстар-клас ад Вайлупава.
Вайна ва Украіне ідзе вось ужо амаль тры гады. Столькі ж працягваецца адхіленьне большасьці беларускіх і расійскіх зборных ад міжнародных спаборніцтваў. Таму камандам з гэтых краін у асноўным ладзяць таварыскія сустрэчы паміж сабой, а арганізатары да такіх сустрэч часцяком прыпісваюць слова «сяброўскія».
Вось толькі сяброўскімі яны атрымліваюцца не заўсёды. Чарговая пара спарынгаў з Расіяй у гандболе, зноў жа, анансаваліся як гульні так званага сяброўства. Зборная Беларусі правяла іх 6 і 7 студзеня. Гэта былі 13-я і 14-я гульня падапечных Юрыя Швецова супраць расіян з моманту адхілення.
У першай матчы перамогу атрымалі беларусы (28:26), а, мабыць, галоўным хайлайтам сустрэчы стаў гол беларускага брамніка Вячаслава Салдаценкі. На наступны дзень таксама перамагла Беларусь (32:28). А на пляцоўцы ззяў Мікіта Вайлупаў. Спачатку ён паказаў майстар-клас расіяніну Дзмітрыю Кісялёву па выкананні сяміметровых парашутам:
А затым заступіўся за Арцёма Кулака, з якім не па-джэнтэльменску абышоўся расіянін Ілля Беляўцаў, што ў выніку перарасло ў сур'ёзную тузаніну. Вайлупава суддзя пакараў чырвонай і сіняй карткамі.
Вось такі «сяброўскі» матч.
Іншыя пасты карыстальніка
