– Добра правялі ўсе тры перыяды і заслужана перамаглі. Адзінае – шмат выдаляемся для такога матчу. Ведаем, што не заўжды ў нас усё ўдала складваецца ў меншасці, але сёння склалася. Хацелася б сказаць вялікі дзякуй балельшчыкам за вашу падтрымку, за тое, што гоніце нас наперад.

– Чаго не хапіла, каб рэалізаваць яшчэ больш спроб большасці?

– Можа да дакладнага хацелі разгуляць шайбачку, таму што лік дазваляў. Не хапала крыху канцэнтрацыі ў завяршэнні, асабліва пры рэалізацыі «5 на 3». А так, у любым выпадку, добрая большасць была сёння.

– Пракаментуйце змены ў складзе ў параўнанні з матчамі ў Маладзечне.

– Гэта і ратацыя, і ёсць невялікія пашкоджанні ў хлопцаў. Далі магчымасць падлячыцца, залатаць гэтыя траўмы. Цешыць, што ёсць добрая канкурэнцыя, яе ствараюць, змагаюцца за трапленне ў склад, і гэта прыносіць вынік. Ад гэтага каманда толькі выйграе.

– Карпаў аформіў ачковы хет-трык (1+2), Барабаш – галявы хет-трык. Пракаментуйце іх гульню.

– Макс вельмі галодны быў да гульні, таму што ў яго атрымаўся такі адрэзак, калі не гуляў: ніяк не мог патрапіць у склад усё з-за той жа канкурэнцыі. Але ён малайчына: выйшаў і адпрацаваў, як належыць. За Даніка таксама вельмі рады, відаць, што ён дадае з кожнай гульнёй, і ў сённяшнім матчы гэта вылілася ў закінутыя шайбы, – сказаў Летаў.

Аўтар: Уршуля Саульская

Крыніца: Старонка ХК «Нёман» у ВК