Беларускі нападаючы «Северсталі» Сувораў: «Тут давяраюць. Не шкадую, што сюды перайшоў»

Беларускі нападаючы «Северсталі» Аляксандр Сувораў распавёў, як адчувае сябе ў новай камандзе пасля пераходу з мінскага «Дынама».

— Тут мне даюць вельмі шмат гуляць, тут давяраюць. Гуляю ў большасці, у меншасці і ў роўных складах. Таму ні ў якім разе не шкадую, што сюды перайшоў.

— Чаго ад вас патрабуе трэнерскі штаб? Якія моцныя, якія слабыя бакі вылучае, над чым яшчэ трэба працаваць, а што ўжо проста вось добра?

— Працаваць, прагрэсаваць напэўна трэба ў зоне абароны. І так ужо ў першы дзень у нас з ім [Андрэем Разіным] быў дыялог, ён мне апісаў задачы, як ён мяне бачыць у складзе і сказаў, што мой моцны бок гэта кідок. Бо мала хто так кідае. Я ў гэта не веру, але ён напэўна прышчапіў гэтую веру ў кідок мой. Сказаў: «Ёсць магчымасць, заўсёды кідай. Будзь накіраваны на вароты». Хвосткі нейкі нечаканы моцны кісцевы кідок, і таксама напампаваў хуткасць, - сказаў Сувораў.

⚽️ Чэмпіянат свету-2022 па-беларуску і без VPN! Пампуй дадатак Tribuna.com