– Не мелі мы права на памылку, бо патрапілі не ў вельмі добрую сітуацыю. Няма куды было адыходзіць, таму вельмі сур'ёзна рыхтаваліся да двух гульняў з «Лідай». Вельмі шмат абмяркоўвалі, глядзелі відэа, аднак у першым матчы нічога не атрымалася. Магчыма, перагарэлі, хаця трэба аддаць належнае і саперніку: выдатна ён згуляў, шанцаў у нас практычна не было.

Сёння мы дзейнічалі лепш. Па-першае, своечасова забілі галы і скінулі з сябе цяжар адказнасці. Нарэшце нядрэннае атрымалася большасць. У пятніцу мы правалілі першыя два перыяды, сёння ўсё здарылася наадварот. Дзякуй богу, што ўсё так выйшла. Яшчэ раз паўтаруся, гэтая перамога патрэбная была нам як паветра.

– Як каманда выкарыстоўвае паўзу ў чэмпіянаце?

– Дамовіліся з хлопцамі, калі выйграем, то будзе два выходныя, калі не, то паўдня. Таму спачатку адпачнем. На жаль, у нас дастаткова траўмаў, адсутнічаюць і Мурашоў, і Храпавіцкі, і Гаўрыленка. І Коласаў да іх далучыўся. Пару дзён сапраўды папрацуем над фізікай, крыху варта памяняць і тактычны малюнак гульні, – сказаў Корабаў.

⚽️ Чэмпіянат свету-2022 па-беларуску і без VPN! Пампуй дадатак Tribuna.com

Аўтар: Уршуля Саульская

Крыніца: Telegram-канал ХК «Ліда»